18.08.2026 | 19:00
Առաջին հայաստանցի կինը, որը նվաճել է 7134 մ բարձրությամբ Լենինի գագաթը. ՏԵՍԱՆՅՈՒԹ
Նրա քայլը գնահատանքի է արժանի. Ավանեսյանը՝ Հռիփսիմե Հունանյանի հրաժարականի մասին. ՏԵՍԱՆՅՈՒԹ
Քաղաքականություն
21.01.2026 | 14:25
ԱԺ առողջապահության հանձնաժողովի նախագահ Հռիփսիմե Հունանյանը հրաժարականից առաջ խոսել է առողջապահության նախարարի հետ։ Այս մասին Factor.am-ի հարցին ի պատասխան ասաց նախարար Անահիտ Ավանեսյանը։
«Այո՛, ես խոսել եմ տիկին Հունանյանի հետ։ Կարծում եմ՝ նրա այսօրվա քայլն էլ խոսում է նրա բարձր արժեքների մասին, որ անձը պատասխանատու է մոտենում։ Վրիպումներ լինում են, բայց պետք է ունենալ քաջություն այդ վրիպումների արդյունքում դրան ճիշտ անդրադառնալու»,- ասաց նախարարը։
Նշենք, որ Հունանյանը այս քառօրյայի ընթացքում հետևյալ միտքն էր հնչեցրել․ «Մեր պետությանը միայն զինվորներ պետք չեն, նաև պետք են գլուխներ, որոնք կօգնեն պետության տարբեր ճյուղերի զարգացման համար»։
Նշենք, որ Հունանյանի այս ձևակերպմանն անդրադարձել էր նաև առողջապահության նախարար Անահիտ Ավանեսյանը։ Նախարարը ֆեյսբուքում գրառում էր կատարել կարևորելով զինվորների դերը, սակայն, ուղիղ չէր գրել, որ արձագանքում է թիմակցի հայտարարությանը։
