07.03.2026 | 10:03
Ճամբարակ-Բերդ ավտոճանապարհը փակ է
ՔՊ-ականը հեռանում է ԱԺ հանձնաժողովի նախագահի պաշտոնից զինվորների մասին հայտարարությունից հետո
Քաղաքականություն
21.01.2026 | 12:02
ԱԺ առողջապահության հարցերի մշտական հանձնաժողովի նախագահ, ՔՊ-ական Հռիփսիմե Հունանյանը տեղեկացրել է հանձնաժողովի նախագահի պաշտոնից հրաժարվելու մասին։ Նա նաև նշել է, որ չի առաջադրվելու 2026 թվականի խորհրդարանական ընտրություններին։
«Նախ, թույլ տվեք ներողություն խնդրել իմ այն ձևակերպումների համար, որոնք այս կամ այն կերպ առաջացրել են մեր սիրելի քաղաքացիների զայրույթն ու դժգոհությունը: Անշուշտ, հրապարակային խոսքը քաղաքական գործունեության անբաժան մասն է, և երբեմն անհնար է խուսափել բանավոր խոսքի ժամանակ տեղ գտած վրիպումներից: Սխալվել կարող են բոլորը, իսկ առերեսվել սխալների հետ և ուղղել դրանք` պարտավոր են անել առաջին հերթին հանրային առաջնորդություն ստանձնած մարդիկ` օրինակ ծառայելով բոլորի համար: Լավագույն առաջնորդությունը սեփական օրինակով առաջնորդությունն է: Կարծում եմ, սա մի բան է, որ պետք է լինի մեր քաղաքական դաշտի արժեքային ուղենիշներից մեկը»,- գրել է նա՝ չհստակեցնելով, թե հատկապես որ հայտարարության պատճառով է նման որոշման եկել։
Նշենք, որ Հունանյանը այս քառօրյայի ընթացքում հետևյալ միտքն էր հնչեցրել․ «Մեր պետությանը միայն զինվորներ պետք չեն, նաև պետք են գլուխներ, որոնք կօգնեն պետության տարբեր ճյուղերի զարգացման համար»։
Նշենք, որ Հունանյանի այս ձևակերպմանն անդրադարձել էր նաև առողջապահության նախարար Անահիտ Ավանեսյանը։ Նախարարը ֆեյսբուքում գրառում էր կատարել կարևորելով զինվորների դերը, սակայն, ուղիղ չէր գրել, որ արձագանքում է թիմակցի հայտարարությանը։
Նարեկ Կիրակոսյան
