02.07.2026 | 16:12
Նախագահ Վահագն Խաչատուրյանը մի շարք օրենքներ է ստորագրել
Քննարկվել են Արտաշատ-Սիսիան և Վանաձոր-Ալավերդի միջպետական ճանապարհի՝ 2024-ին ջրհեղեղից վնասված հատվածների վերականգնման աշխատանքները
Տնտեսություն
21.01.2026 | 15:24
ՀՀ տարածքային կառավարման և ենթակառուցվածքների նախարարությունից հայտնում են, որ նախարարի տեղակալ Քրիստինե Ղալեչյանը ընդունել է Ասիական զարգացման բանկի տրանսպորտի ոլորտի ավագ տնօրեն Հիրոակի Յամագուչիի գլխավորած պատվիրակությանը։ Նշվում է, որ քննարկվել են 2024 թ․ ջրհեղեղից վնասված հատվածների վերականգնման աշխատանքների վերաբերյալ հարցեր։
«Նախարարի տեղակալը, ողջունելով հյուրերին, ընդգծել է ԱԶԲ-ի հետ համագործակցության արդյունքում իրականացված ծրագրերի կարևորությունը։ Նա նշել է, որ ՀՀ Կառավարությունը շահագրգիռ է մեկնարկած ծրագրերն ավարտին հասցնելու և նոր ծրագրերի նախագծման ու իրականացման հարցերում։
Հիրոակի Յամագուչին շնորհակալություն է հայտնել ընդունելության համար՝ կարևորելով ԱԶԲ-ի պատրաստակամությունը ենթակառուցվածքների զարգացման նոր տեսլականի ձևավորման և գիտելիքների ձեռքբերման, ինչպես նաև ֆինանսական աջակցություն տրամադրելու հարցերում։
Հանդիպման ընթացքում քննարկվել են Հյուսիս-հարավ ճանապարհային միջանցքի Տրանշ 4 Արտաշատ-Սիսիան հատվածի և Մ6 Վանաձոր-Ալավերդի միջպետական ճանապարհի՝ 2024 թ․ ջրհեղեղից վնասված հատվածների վերականգնման աշխատանքների վերաբերյալ հարցեր։
Կողմերը պայմանավորվել են շարունակել քննարկումները»,- ասված է հաղորդագրությունում։
