07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
ԱՄՆ-ը Կարիբյան ծովում «ստվերային նավատորմի» յոթերորդ լցանավն է առգրավել
Քաղաքականություն
21.01.2026 | 13:08
Միացյալ Նահանգները վենեսուելական նավթ տեղափոխող ևս մեկ լցանավ է առգրավել՝ յոթերորդը դեկտեմբերին Վենեսուելայի ծովային շրջափակման մասին հայտարարելուց ի վեր։ ԱՄՆ հարավային հրամանատարության տվյալներով՝ Sagitta-ն կալանավորվել է հունվարի 20-ին Կարիբյան ծովում։ Գործողությունն անցել է «առանց միջադեպերի», գրում է The Insider-ը։
«Կարիբյան ծովում պատժամիջոցների տակ գտնվող նավերի նկատմամբ նախագահ Թրամփի կողմից սահմանված սահմանափակումները խախտող ևս մեկ լցանավի կալանավորումը ցույց է տալիս մեր հանձնառությունը՝ ապահովելու, որ միայն պատշաճ և օրինական կերպով տեղափոխվող նավթը դուրս գա Վենեսուելայից»,- ասվում է հայտարարության մեջ։
Sagitta նավթային լցանավը (IMO 9296822) նավարկում է Լիբերիայի դրոշով։ Նավը պատժամիջոցների է ենթարկվել ԵՄ-ի, ԱՄՆ-ի, Մեծ Բրիտանիայի, Ուկրաինայի և այլ երկրների կողմից՝ ռուսական նավթ տեղափոխելու համար՝ սահմանված գների սահմանաչափերը խախտելով։
Թարգմանությունը՝ Էմմա Չոբանյանի
