29.10.2026 | 22:23
Թուրքիան և Կատարը հերքել են Իսրայելի ընտրություններին միջամտելու մեղադրանքները
ԱՄՆ-ը Կարիբյան ծովում պատժամիջոցների տակ գտնվող նավթային լցանավ է կալանել
Քաղաքականություն
15.01.2026 | 20:33
Կարիբյան ծովում ԱՄՆ զինված ուժերն առգրավել են պատժամիջոցների տակ գտնվող ևս մեկ նավթային լցանավ, որը, ըստ Թրամփի վարչակազմի, կապեր ունի Վենեսուելայի հետ՝ հարավամերիկյան երկրի նավթի նկատմամբ վերահսկողությունը ստանձնելու ԱՄՆ ավելի լայն ջանքերի շրջանակում, գրում է The Independent-ը։
««Վերոնիկա» լցանավը նախկինում անցել է Վենեսուելայի ջրերով և գործել է՝ խախտելով նախագահ Թրամփի կողմից Կարիբյան ավազանում պատժամիջոցների տակ գտնվող նավերի կարանտինը»,- սոցցանցերում գրել է Ներքին անվտանգության նախարար Քրիստի Նոեմը։
«Վերոնիկան» վեցերորդ լցանավն է, որն առգրավվել է ԱՄՆ-ի ուժերի կողմից՝ նախագահ Դոնալդ Թրամփի վարչակազմի կողմից Վենեսուելայի նավթամթերքի արտադրությունը, վերամշակումը և համաշխարհային բաշխումը վերահսկելու ջանքերի շրջանակում, և երրորդը՝ գրեթե երկու շաբաթ առաջ ԱՄՆ-ի կողմից Վենեսուելայի նախագահ Նիկոլաս Մադուրոյին ձերբակալելուց հետո։
Թարգմանությունը՝ Էմմա Չոբանյանի
