07.09.2026 | 11:21
Ունենք ոչ թե ավտոբուսների քանակի, այլ փողոցների ծանրաբեռնվածության խնդիր․ Ավինյան․ ՏԵՍԱՆՅՈւԹ
Պուտինն ինձ ասաց՝ չէի կարող հավատալ, որ կարգավորել եք պատերազմը. Թրամփը` Հայաստանի և Ադրբեջանի մասին
Քաղաքականություն
21.01.2026 | 11:34
ԱՄՆ նախագահ Թրամփը հայտարարել է, որ պետք է Նոբելյան Խաղաղության մրցանակ ստանար Հայաստան-Ադրբեջան պատերազմը կարգավորելու համար՝ մյուսների հետ մեկտեղ։ Նա կրկին խոսել է հայ-ադրբեջանական կարգավորման վերաբերյալ ՌԴ նախագահ Վլադիմիր Պուտինի արձագանքից։
«Նախագահ Պուտինն ինձ ասաց՝ ես չէի կարող հավատալ, որ դուք կարգավորել եք այդ պատերազմը։ Ես փորձում էի կարգավորել այդ պատերազմը 10 տարի։ Հայաստան և Ադրբեջան։ Նրանք կռվել են երկար տարիներ»,- ասել է Թրամփը Սպիտակ տանը կայացած ճեպազրույցում։
ԱՄՆ նախագահը նաև նկարագրել է վաշինգտոնյան հանդիպումը։
«Ես երկու երկրներին հրավիրեցի իմ աշխատասենյակ։ Գեղեցիկ Օվալաձև աշխատասենյակ։ Եվ նրանցից մեկն ասաց՝ ես 22 տարի Ադրբեջանի ղեկավարն եմ։ 22 տարի ես սպանել եմ նրանց ժողովրդին։ Իսկ մյուս պարոնը, երկուսն էլ շատ լավ տղաներ են, ասաց՝ ես այստեղ եմ յոթ տարի, և յոթ տարի ես սպանել եմ նրանց ժողովրդին։ Եվ նրանք ամեն ինչ սկսեցին նորից, ապա հայտնվեցին կողք կողքի։ Երբ ավարտեցինք, նրանք արդեն գրկախառնվում էին միմյանց հետ։ Արդյո՞ք ես չպետք է ստանայի Նոբելյան Խաղաղության մրցանակ»,- ասել է Թրամփը։
Թարգմանությունը՝ Էմմա Չոբանյանի
