27.06.2026 | 19:03
ԲՀԿ-ի համար ակնհայտ է՝ որևէ հաշվարկի դեպքում 4%-ի շեմը չի կարող համարվել հաղթահարված. Սուրեն Գրիգորյան․ ՏԵՍԱՆՅՈւԹ
Ասացի՝ 200 տոկոս մաքսատուրքեր կսահմանեմ. Թրամփը պատմել է՝ ինչպես է Հայաստանի և Ադրբեջանի միջև խաղաղության հասել
Քաղաքականություն
30.12.2025 | 10:51
ԱՄՆ նախագահ Դոնալդ Թրամփը կրկին խոսել է Հայաստանի և Ադրբեջանի միջև խաղաղության գործընթացում իր դերակատարումից և դրա հետ կապված ՌԴ նախագահ Վլադիմիր Պուտինի հեռախոսազանգից։ Իսրայելի վարչապետ Բենիամին Նեթանյահուի հետ հանդիպման ժամանակ Թրամփը, մասնավորապես, նշել է, որ արագորեն լուծել է հայ-ադրբեջանական հակամարտությունը։
«Պատերազմն ընթանում էր 35 տարի։ Պուտինն ասաց՝ ես չեմ հավատում, որ դուք լուծել եք, քանի որ ես փորձում էի 10 տարի։ Ես լուծեցի գրեթե մեկ օրում։ Ես արեցի առևտրով։ Ասացի, որ մենք ձեզ կկտրենք առևտրից։ Այլևս ոչ մի առևտուր։ Երկուսին էլ, ես ասացի՝ ձեզ կկտրենք, և հետո ես 200 տոկոս մաքսատուրքեր կսահմանեմ։ Հաջորդ օրը նրանք զանգահարեցին և ասացին՝ «Լավ»։ 35 տարվա կռիվ, բայց նրանք ընդունեցին»,- հայտարարել է ԱՄՆ նախագահը ։
Ավելի վաղ Հայաստան-Ադրբեջան գործընթացի մասին խոսելիս նա կրկին ՌԴ նախագահի հեռախոսազանգին էր անդրադարձել։
Թարգմանությունը՝ Էմմա Չոբանյանի
