30.12.2025 | 14:44
Հօգուտ ՀՀ-ի կբռնագանձվի Հյուսիսային պողոտայում գտնվող բնակարան, ավտոկայանատեղի, 207 միլիոն դրամ. Դատախազություն
Թրամփը կրկին խոսել է ՀՀ-Ադրբեջան կարգավորումից և այդ առիթով Պուտինի զանգից․ ՏԵՍԱՆՅՈՒԹ
Քաղաքականություն
20.11.2025 | 10:52
ԱՄՆ նախագահ Դոնալդ Թրամփը կրկին անդրադարձել է Հայաստանի և Ադրբեջանի միջև խաղաղության գործընթացում իր դերակատարմանը, նաև անդրադարձել այդ կապակցությամբ ՌԴ նախագահ Վլադիմիր Պուտինի հեռախոսազանգին։
«Ադրբեջան… գիտեք՝ ինչ էր այնտեղ տեղի ունենում տարիներ շարունակ։ Պուտինը զանգահարեց ինձ և ասաց՝ «Չեմ կարող հավատալ, որ դուք կարողացաք լուծել [այս հակամարտությունը], մենք երկար ժամանակ փորձում էինք լուծել այն»։ Ես ասացի՝ «Մի՛ անհանգստացեք դրա համար, թույլ տվեք ես լուծեմ ձեր անիծյալ պատերազմը։ Պետք չէ ինձ օգնել, ինձ օգնություն է պետք ձե՛ր պատերազմի հարցում»»,- պատմել է Թրամփը Վաշինգտոնում ԱՄՆ-Սաուդյան Արաբիա բիզնես ֆորումում ունեցած ելույթի ժամանակ։
Հավելենք, որ հոկտեմբերին Հարավային Կորեա այցի ժամանակ իր ելույթում Թրամփը Հայաստան-Ադրբեջան գործընթացի մասին խոսելիս կրկին Պուտինի հեռախոսազանգի մասին էր պատմել։
Թարգմանությունը՝ Էմմա Չոբանյանի
