29.10.2026 | 18:39
«Բավարիայի» գլխավոր մարզիչը դուրս է գրվել հիվանդանոցից
Գարեգին Բ-ն պաշտոնանկ արեց իր հրաժարականը պահանջող ևս մեկ բարձրաստիճան հոգևորականի
Քաղաքականություն
20.01.2026 | 17:55
Մայր Աթոռ Սբ Էջմիածնի տեղեկատվական համակարգից հայտնում են, որ Գարեգին Բ կաթողիկոսը Շվեյցարիայի Հայոց թեմի առաջնորդական տեղապահ Հոգեշնորհ Տ. Գուսան ծայրագույն վարդապետ Ալճանյանին ազատել է պաշտոնից ու նույն պաշտոնում նշանակել Գերաշնորհ Տ․ Պարթև եպիսկոպոս Բարսեղյանին։
«Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի հայրապետական տնօրինությամբ Գերաշնորհ Տ․ Պարթև եպիսկոպոս Բարսեղյանը, ազատվելով Գեղարքունյաց թեմի առաջնորդի պաշտոնից, նշանակվել է Շվեյցարիայի Հայոց թեմի առաջնորդ։
Շվեյցարիայի Հայոց թեմի առաջնորդական տեղապահ Հոգեշնորհ Տ. Գուսան ծայրագույն վարդապետ Ալճանյանը Հայրապետական տնօրինությամբ ազատվել է իր պաշտոնից:
Մեկ այլ տնօրինությամբ քրեակատարողական հիմնարկների հոգևոր տեսուչ Հոգեշնորհ Տ. Իսահակ վարդապետ Պողոսյանը համատեղության կարգով նշանակվել է Գեղարքունյաց թեմի առաջնորդական տեղապահ»,- ասված է հաղորդագրությունում։
Հունվարի 5-ին ահյտնել էինք, որ Ալճանյանը ողջունել է Հայաստանի վարչապետի ու տասը սրբազան հոգևորականների կողմից կազմված Համակարգող խորհուրդը և հայտարարել, որ միանում է նրանց, ընդունում հռչակագիրը և ճանապարհային քարտեզը։ Նա պատրաստակամություն է հայտնել ակտիվորեն ներգրավվել Հայ Եկեղեցու բարեկարգման սուրբ առաքելության մեջ։
Հիշեցնենք՝ հունվարի 4-ին ՀՀ վարչապետ Նիկոլ Փաշինյանը սոցցանցերի իր էջերում հայտարարություն էր հրապարակել Հայաստանյայց առաքելական սուրբ եկեղեցու բարենորոգման վերաբերյալ:
