09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Չի լինելու արտատարածքային միջանցք, լինելու է ճանապարհ․ Ռուբեն Ռուբինյան․ ՏԵՍԱՆՅՈՒԹ
Քաղաքականություն
20.01.2026 | 17:13
«Օգոստոսի 8-ին, երբ որ Վաշինգտոնում համապատասխան խաղաղության հռչակագիրը ստորագրվում էր, ի՞նչ էր ասում ընդդիմությունը։ Ասում էր երկու բան՝ սրանով մենք միջանցք ենք տալիս արտատարածքային, մեր ինքնիշխանությունը սրանով կրճատվում է, և մեկ է, նույնիսկ այդ դեպքում չի բացվելու մեզ համար ոչինչ, մենք մնալու ենք ապաշրջափակման մեջ։ Անցավ մի քանի ամիս, երկու պնդումներն էլ հերքվեցին»,-այս մասին ԱԺ-ում հայտարարությունների ժամին ասաց ԱԺ փոխխոսանկ Ռուբեն Ռուբինյանը։
«Հունվարի 14-ին հրապարակվեց հայտարարություն, փաստաթուղթ Արարատ Միրզոյանի և իր ամերիկացի պաշտոնակցի հանդիպման արդյունքներով, որոնցով բոլոր երեք կետերով հստակ, պարզ պատասխան եղավ՝ սևով սպիտակին գրված, որ Հայաստանի ամբողջ տարածքում անվտանգությունը պահում են Հայաստանի համապատասխան գերատեսչությունները, որ ամեն ինչ լինում է մեր ինքնիշխանության և իրավազորության ներքո, որ համապատասխան մաքսային և սահմանային ընթացակարգերը լինելու են, որ հայ սահմանապահներն էլ ֆիզիկական ներկայություն են ունենալու բոլոր սահմանային և մաքսային համապատասխան կետերով։ Այսինքն, հրապարակվեց փաստաթուղթ այն մասին, որ չի լինելու արտատարածքային միջանցք, լինելու է ճանապարհ, ինչը մենք ուզում ենք»,-նշեց նա։
Մանրամասները՝ տեսանյութում։
