02.07.2026 | 19:10
Դիակի վրա կարող ա մարդուն բռնես՝ գնան արդարանան, դուրս գան․ Փաշինյանը՝ դատական համակարգի մասին․ ՏԵՍԱՆՅՈՒԹ
Թրամփը հայտնել է Գրենլանդիայի հարցով Դավոսում «տարբեր կողմերի» հետ հանդիպման պատրաստակամության մասին
Քաղաքականություն
20.01.2026 | 11:17
ԱՄՆ նախագահ Դոնալդ Թրամփը հայտարարել է, որ Գրենլանդիայի հարցով «շատ լավ» հեռախոսազրույց է ունեցել ՆԱՏՕ-ի գլխավոր քարտուղար Մարկ Ռյուտեի հետ, գրում է Reuters-ը։
Թրամփը նաև ասել է, որ համաձայնել է տարբեր կողմերի հանդիպման Շվեյցարիայի Դավոսում՝ Համաշխարհային տնտեսական ֆորումի շրջանակում։ Նա չի մանրամասնել, թե ովքեր են այդ «տարբեր կողմերը»։
«Ինչպես ես բոլորին շատ հստակ արտահայտեցի՝ Գրենլանդիան գերակա է ազգային և համաշխարհային անվտանգության համար։ Հետդարձի ճանապարհ չկա։ Դրա հետ բոլորը համաձայն են»,- գրել է նա Truth Social-ում։
Ավելի վաղ Թրամփը լրագրողներին ասել էր, որ Միացյալ Նահանգները Գրենլանդիան ձեռք բերելու հարցը կքննարկի այս շաբաթ կայանալիք Համաշխարհային տնտեսական ֆորումում, քանի որ Դանիան չի կարող պաշտպանել այդ տարածքը։ Երկուշաբթի էլ Թրամփը հայտարարել էր, որ չի կարծում, թե եվրոպացի առաջնորդները «չափազանց շատ» կդիմադրեն Գրենլանդիան գնելու իր փորձին։
«Ես չեմ կարծում, որ նրանք չափազանց շատ կդիմադրեն։ Մենք պետք է դա անենք։ Նրանք պետք է դա անեն»,- ասել է ԱՄՆ նախագահը Ֆլորիդայում լրագրողի հարցին ի պատասխան, թե ինչ է պատրաստվում ասել իր ծրագրերին դեմ հանդես եկող եվրոպացի առաջնորդներին։
Թարգմանությունը՝ Էմմա Չոբանյանի
