27.10.2026 | 23:30
Հայաստանի, Ադրբեջանի և Վրաստանի դեսպանները քննարկել են Հարավային Կովկասի խաղաղության և կայունության ամրապնդման հարցերը
Վրացիների ֆուրորն ու Պետրիկինայի 2-րդ չեմպիոնությունը գեղասահքի Եվրոպայի առաջնությունում․ ՏԵՍԱՆՅՈՒԹ
19.01.2026 | 14:08
Անգլիական Շեֆիլդում անցկացված գեղասահքի Եվրոպայի առաջնությունում գլխավոր անակնկալը մատուցել է Վրաստանի հավաքականը։
Տղամարդկանց մենասահքում Եվրոպայի չեմպիոն է դարձել վրացի Նիկա Էգադձեն։ Կարճ ու ազատ ծրագրերի համագումարում 23-ամյա գեղասահորդը վաստակել է 273,00 միավոր։ Եվրոպայի փոխչեմպիոն է դարձել իտալացի Մատեո Ռիցոն (256,37), բրոնզե մեդալին արժանացել է Չեխիան ներկայացնող Գեորգի Ռաշտենկոն (238,27):
Վրաստանի թիմը հաղթել է նաև սպորտային զույգերի պայքարում։ Եվրոպայի չեմպիոնի կոչումը նվաճել են Անաստասիա Մետյոլկինան ու Լուկա Բերուլավան, որոնք հավաքել են 215,76 միավոր։
Կանանց մենասահքի պայքարում չեմպիոնի տիտղոսը նվաճել է էստոնացի Նինա Պետրիկինան՝ վաստակելով 216,14 միավոր։ 21-ամյա Պետրիկինան երկրորդ տարին անընդմեջ է դարձել Եվրոպայի չեմպիոն։ Երկրորդ տեղը գրավել է բելգիացի Լունա Հենդրիկսը (191,26), եռյակը եզրափակել է իտալացի Լարա Նիկա Գուտմանը (186,87)։
Հիշեցնենք, որ Հայաստանի հավաքականի գեղասահորդներ Սեմյոն Դանիլյանցը և Կարինա Ակոպովա – Նիկիտա Ռախմանին սպորտային զույգը չէին մասնակցել Եվրոպայի առաջնությանը սահմանված ժամկետներում Մեծ Բրիտանիայի մուտքի վիզա չստանալու պատճառով։
