27.10.2026 | 16:05
ԵՊՀ երկու ամբիոնի վարիչ է ձերբակալվել․ ՀԿԿ
Մեծ Բրիտանիայի դեսպանատունը Հայաստանի գեղասահորդներին չի տրամադրել մուտքի վիզաներ
14.01.2026 | 11:54
Հայաստանի ազգային հավաքականի գեղասահորդներ Սիմոն Դանիլյանցը և Կարինա Ակոպովա – Նիկիտա Ռախմանին սպորտային զույգը չեն մասնակցի գեղասահքի 2026թ․ Եվրոպայի առաջնությանը։
Մեծ Բրիտանիայի դեսպանատունը մարզիկներին չի տրամադրել մուտքի վիզաները սահմանված ժամկետներում, հաղորդում է ՀԳՖ մամուլի ծառայությունը։
«Չնայած բոլոր անհրաժեշտ փաստաթղթերի ժամանակին ներկայացմանը, Մեծ Բրիտանիայի դեսպանատունը մեր մարզիկներին չի տրամադրել մուտքի վիզաները սահմանված ժամկետներում, ինչի հետևանքով մեր հավաքական թիմը զրկվեց Եվրոպայի առաջնությանը մասնակցելու հնարավորությունից։
Սա լուրջ հարված է մեր մարզիկների ամբողջ սեզոնային պատրաստությանը, մրցակցային զարգացմանը և միջազգային վարկանիշային դիրքերին։ Տարիների քրտնաջան աշխատանքը, պատրաստվածությունն ու նվիրումը չպետք է կախված լինեն վարչական ձգձգումներից։
Հայաստանի գեղասահքի ֆեդերացիան անում է ամեն ինչ նման իրավիճակների կրկնությունը կանխելու և մեր մարզիկների իրավունքները պաշտպանելու համար։
Շնորհակալ ենք բոլոր նրանց, ովքեր աջակցում են մեր թիմին այս բարդ պահին։
Մենք շարունակելու ենք մեր պայքարը՝ հանուն հայկական գեղասահքի արժանապատիվ ներկայության միջազգային ասպարեզում»,- նշված է ֆեդերացիայի հաղորդագրության մեջ։
Գեղասահքի Եվրոպայի առաջնությունն անցկացվում է հունվարի 13-18-ին անգլիական Շեֆիլդ քաղաքում։
