16.01.2026 | 18:25
Անթալիա․ Անի Ամիրաղյանը դուրս եկավ կիսաեզրափակիչ
Ձերբակալված ՊԵԿ պաշտոնյաները կալանավորվել են
Հասարակություն
16.01.2026 | 15:21
Իշխանական լիազորությունները չարաշահելու մեղադրանքով երեկ ձերբակալված ՊԵԿ պաշտոնյաները կալանավորվել են։ Տեղեկությունը Factor TV-ի հետ զրույցում հայտնեցին Հակակոռուպցիոն կոմիտեից։
«Հակակոռուպցիոն կոմիտեում քննվող քրեական վարույթի շրջանակում նախօրեին ձերբակալված հինգ անձանցից չորսի, այդ թվում՝ ՊԵԿ երեք պաշտոնատար անձանց նկատմամբ կալանքը որպես խափանման միջոց կիրառելու միջնորդություններ են ներկայացվել դատարան, որոնք բոլորն էլ բավարարվել են»,- ասաց Կոմիտեի մամուլի քարտուղար Մարինա Օհանջանյանը։
Հիշեցնենք՝ երեկ տեղեկացրել էինք, որ ՀՀ հակակոռուպցիոն կոմիտեի կողմից իրականացված օպերատիվ-հետախուզական միջոցառումների արդյունքում ստացված տվյալների հիման վրա նախաձեռնված քրեական վարույթի շրջանակում ձերբակալվել է 5 անձ, որոնց թվում են ՀՀ պետական եկամուտների կոմիտեի՝ ղեկավար պաշտոն զբաղեցնող պաշտոնյաներ։
Ռոզա Վարդանյան
