05.10.2026 | 16:35
Ժորժե Ժեզուշ. «Եթե Ռոնալդուն ցանկանում է լինել Պորտուգալիայի հավաքականում», կարող է վերադառնալ»
Կարգ գոյություն ունի, որը խախտվել է. Սիմոնյանը` երկու լրագրողներին ԱԺ շենքից դուրս հանելու մասին․ ՏԵՍԱՆՅՈՒԹ
Հասարակություն
16.01.2026 | 15:23
«Սևով սպիտակի վրա գրված է, թե ով կարող է ներկա գտնվել հանձնաժողովի նիստին։ Հայերեն լեզվով գրված է, որ լրագրողները, որոնք հավատարմագրված չեն, զրկվել են հավատարմագրումից, չեն կարող այնտեղ գտնվել»,- հայտարարեց ԱԺ խոսնակ Ալեն Սիմոնյանը՝ անդրադառնալով ՊՊԾ աշխատակիցների կողմից «Ժողովուրդ» օրաթերթի լրագրողներ Քնար Մանուկյանին և Սոնա Գրիգորյանին ԱԺ-ից հեռացնելուն։
«Նույնիսկ հանձնաժողովի նախագահը չի կարող թույլ տալ, օրենքով հստակ գրված է։ Հիմա ես չեմ կարող թույլ տալ, որ ձեզանից ինչ-որ մեկը գա Ազգային ժողովի նիստերի դահլիճ, նստի, մեկ-մեկ լսի, գնա։ Կարգ գոյություն ունի, և այդ կարգը խախտվել է»,- պարզաբանեց Սիմոնյանը։
Հիշեցնենք, որ այսօր ՊՊԾ աշխատակիցները խորհրդարանի շենքից հեռացրին «Ժողովուրդ» օրաթերթի լրագրողներ Քնար Մանուկյանին և Սոնա Գրիգորյանին։ ՊՊԾ աշխատակիցները լրագրողներին դահլիճից դուրս հանեցին երկրորդ փորձից, երբ ԱԺ աշխատակազմի ղեկավար Դավիթ Առաքելյանը միջանցքում կարճ զրույց ունեցավ «Պաշտպանության և անվտանգության հարցերի մշտական հանձնաժողով»-ի նախագահ Անդրանիկ Քոչարյանի հետ։ Մինչ այդ՝ Քոչարյանը ՊՊԾ աշխատակիցներին փոխանցել էր, որ լրագրողները չեն խանգարում, կարող են մնալ դահլիճում։ ՊՊԾ աշխատակիցները հիմնավորեցին, որ լրագրողները զրկված են ԱԺ հավատարմագրումից և պատգամավորի կողմից տրված անցագրով չեն կարող խորհրդարանում լրատվական գործունեություն իրականացնել։ Ի դեպ, լրագրողները 414 դահլիճում էին՝ «Պաշտպանության և անվտանգության հարցերի մշտական հանձնաժողովի նիստին․ այդ դահլիճում էր նաև նրանց անցագիր տված «Հայաստան» խմբակցության պատգամավոր Գեղամ Մանուկյանը։
Մանրամասները՝ տեսանյութում։
