10.09.2026 | 21:00
Իշխանությունը գնում է ընդդիմության գլխատման՝ քաղաքական առումով․ պրոցեսները հանգիստ չեն ընթանա․ Տիգրան Աբրահամյան․ ՏԵՍԱՆՅՈՒԹ
Զինծառայողի մահվան դեպքով մեկ անձ է ձերբակալվել
Հասարակություն
16.01.2026 | 13:42
Զինծառայողի մահվան դեպքի առթիվ 2026 թվականի հունվարի 14-ին նախաձեռնված քրեական վարույթի նախաքննության ընթացքում մեկ անձի նկատմամբ հարուցվել է հանրային քրեական հետապնդում: Այս մասին հայտնել է Քննչական կոմիտեի մամուլի քարտուղար Կիմա Ավդալյանը:
Նշվում է, որ հանրային քրեական հետապնդումը հարուցվել է Քրեական օրենսգրքի 522-րդ հոդվածի 2-րդ մասի 2-րդ և 3-րդ կետերով (զինծառայողին անզգուշությամբ ինքնասպանության հասցնելը), նա ձերբակալվել է:
«Նրա նկատմամբ կալանքը որպես խափանման միջոց կիրառելու վերաբերյալ միջնորդություն է ներկայացվել դատարան»,- տեղեկացրել է Ավդալյանը։
Հիշեցնենք՝ հունվարի 14-ին առավոտյան 09:50-ի սահմաններում զորամասերից մեկում զինծառայողի դի է հայտնաբերվել։ Ըստ Պաշտպանության նախարարության՝ Վահան Պետրոսյանի մարմնին հրազենային վնասվածք է եղել։ Զինծառայողի մահվան դեպքով երեկ նախաձեռնվել էր քրեական վարույթ։
