21.01.2026 | 21:27
Երևանի և 10 մարզի մի շարք հասցեներում էլեկտրաէներգիայի անջատումներ կլինեն
Որևէ քաղաքական ուժ փաստաթղթեր չի ներկայացրել ԿԸՀ
Քաղաքականություն
08.11.2018 | 13:28
Որևէ կուսակցություն կամ կուսակցությունների դաշինք այս պահի դրությամբ գրանցման համար անհրաժեշտ փաստաթղթերը Կենտրոնական ընտրական հանձնաժողով դեռևս չի ներկայացրել: Այս մասին Factor.am-ին հայտնեց ԿՀԸ մամուլի խոսնակ Հերմինե Հարությունյանը:
Հիշեցնենք, որ կուսակցություններն ու կուսակցությունների դաշինքները փաստաթղթերը Կենտրոնական ընտրական հանձնաժողով կարող են ներկայացնել մինչև նոյեմբերի 14-ը երեկոյան 18:00-ն:
Ուշագրավ է, որ փաստաթղթերի ներկայացման վերջնաժամկետին մնացել է 6 օր, սակայն թե՛ խորհրդարանական, թե՛ արտախորհրդարանական մի շարք քաղաքական ուժեր դեռևս չեն հստակեցնում՝ մասնակցելո՞ւ են դեկտեմբերին սպասվող խորհրդարանական ընտրություններին, թե՞ ոչ:
Տեղեկացնենք, որ գրանցման համար պահանջվող՝ վերջին չորս տարում միայն Հայաստանի Հանրապետության քաղաքացի հանդիսանալու և վերջին չորս տարում Հայաստանի Հանրապետությունում մշտապես բնակվելու մասին տեղեկանք տրամադրելու գործընթացը կազմակերպելու նպատակով ՀՀ ոստիկանության պետի հանձնարարությամբ բոլոր անձնագրային ծառայությունները սույն թվականի նոյեմբերի 10-ին և 11-ին՝ շաբաթ և կիրակի` ոչ աշխատանքային օրերին աշխատելու են հերթափոխով` ժ. 10.00-17.00-ն։
