13.06.2026 | 20:00
Հայաստանի և Միացյալ Թագավորության միջև հարաբերությունները շարունակում են զարգանալ. Փաշինյանը՝ Սթարմերին
Դավիթ Տոնոյանն Աստանայում պաշտպանական ոլորտում հայ-ղազախական համագործակցության հարցեր է քննարկել
Քաղաքականություն
08.11.2018 | 11:54
ՀՀ պաշտպանության նախարարի պաշտոնակատար Դավիթ Տոնոյանը ՀԱՊԿ անդամ պետությունների ԱԳ, պաշտպանության նախարարների խորհրդի և Անվտանգության խորհրդի քարտուղարների համատեղ նիստի ծրագրի շրջանակում նոյեմբերի 8-ին Աստանայում հանդիպել է Ղազախստանի պաշտպանական գերատեսչության ղեկավար Նուրլան Երմեկբաևի հետ: Այս մասին հայտնում է ՀՀ պաշտպանության նախարարության մամուլի ծառայությունը:
Քննարկվել է փոխգործակցության երկկողմ հետաքրքրություն ներկայացնող հարցերի լայն շրջանակ, կարևորվել է համագործակցության ընդլայնման անհրաժեշտությունը: Կողմերը նշել են պաշտպանական ոլորտում երկու պետությունների համագործակցության բարձր մակարդակը, զինված ուժերի ստորաբաժանումների համատեղ ակտիվ մասնակցությունը օպերատիվ և մարտական պատրաստության միջոցառումներին ինչպես ՀԱՊԿ, ԱՊՀ ձևաչափերով, այնպես էլ Միջազգային բանակային խաղերի շրջանակում: Պաշտպանական գերատեսչությունների ղեկավարները պատրաստակամություն են հայտնել շարունակել շփումները ռազմական և ռազմատեխնիկական համագործակցության բնագավառում:
