01.07.2026 | 02:54
ԱԱ-2026. Ֆրանսիան խնդիրներ չունեցավ, Մբապեի դուբլը. ՏԵՍԱՆՅՈՒԹ
Բենզին ներկրող ընկերությունները ճիգեր են գործադրում հայրենասիրական կարգախոսներով իրենց մենաշնորհային դիրքը պահպանելու համար․ Փաշինյան․ ՏԵՍԱՆՅՈՒԹ
Տնտեսություն
14.01.2026 | 12:34
«Մենք առաջ ենք ընթանում շատ ավելի մեծ տեմպերով, քան ի սկզբանե կարող էինք ենթադրել»,- այս մասին Անվտանգության 15-րդ ֆորումի ժամանակ հայտարարեց վարչապետ Նիկոլ Փաշինյանը՝ խոսելով խաղաղության գործընթացի մասին։
«Երբ որ մենք Վաշինգտոնի հռչակագրում արձանագրում էինք տարածաշրջանի կապուղիների բացումը, Հայաստանի Հանրապետության համար, այդ թվում նաև Ադրբեջանի հիմնական մասի և Նախիջևանի Ինքնավար Հանրապետության միջև կապի ապահովումը Հայաստանի Հանրապետության համար փոխադարձ առավելություններով, և մենք ենթադրում էինք, որ Հայաստանը պիտի երկաթուղային կապ ստանա արտաքին աշխարհի հետ, և դա տեղի ունեցավ, կարծում եմ, շատ ավելի վաղ, քան Հայաստանի և միջազգային հանրությունը սպասում էին։
Այսօր արդեն Հայաստան-Ադրբեջան երկկողմ առևտրի դրսևորումները տեղի ունեցան շատ ավելի վաղ, քան Հայաստանի և միջազգային հանրությունը սպասում էին, գուցե նաև Ադրբեջանը»,- ընդգծեց նա։
Նիկոլ Փաշինյանի խոսքով՝ 2018-ից ի վեր իր ղեկավարած կառավարությունն աշխատում է երկրում մենաշնորհները հաղթահարելու ուղղությամբ։ Շուկաները դե յուրե բաց են բոլորի համար։
«Բենզինի ներկրում էլ է եղել, այսինքն՝ ընդլայնվել է շուկան, բայց մեզ այդպես էլ չէր հաջողվել այն մենաշնորհները, որոնց մի ծայրը Հայաստանում էր, մի ծայրը՝ Հայաստանից դուրս, մեզ չէր հաջողվել այդ մենաշնորհների այդ խնդիրները լուծել։ Եվ հիմա մեր բոլորի առջև շուկա, բենզինի և դիզվառելիքի շուկայում հաստատված տասնամյակների մենաշնորհները խաղաթղթերի տնակի նման ուղղակի մեր աչքի առաջ քանդվում են։ Այդ բոլոր ընկերությունները վերջին հուսահատ ճիգերն են գործադրում և մեծ ներդրումներ են անում հայրենասիրական կարգախոսների ներքո իրենց մենաշնորհները պաշտպանելու համար, մինչդեռ Հայաստանի սպառողները տասնամյակներով տասնյակ տրիլիոնավոր դրամներ ավելի են վճարել այդ ամեն ինչի համար, ոչ մեկ, բնականաբար, այսօր դրա համար բացատրություն ու պատասխան չի ուզում տալ, չնայած ես համոզված եմ, որ Հայաստանում հիմնադրված և գործող ապօրինի գույքի բռնագանձման մեխանիզմները կաշխատեն համբերատար և բոլոր այս հարցերին կտրվի պատասխաններ»,-ասաց նա։
Մանրամասները՝ տեսանյութում։
