06.03.2026 | 23:30
ԱՄՆ կոնգրեսականները պահանջում են հետաքննել Վաշինգտոնում Ալիևի անվտանգության աշխատակիցների հետ կապված միջադեպը
Աշխատանքից ազատել եմ ՊՆ-ում աշխատող այն ծնողներին, որոնք ունեն այլ երկրի քաղաքացի զավակներ. Պապիկյան․ ՏԵՍԱՆՅՈՒԹ
13.01.2026 | 14:27
«Հորդորել եմ և կամ իմ որոշմամբ ազատել եմ աշխատանքից Պաշտպանության նախարարության համակարգում գտնվող բոլոր այն ծնողներին, որոնք ունեն այլ երկրի քաղաքացի զավակներ»,- այս մասին ՊՆ-ում հրավիրված ասուլիսի ժամանակ հայտարարեց պաշտպանության նախարար Սուրեն Պապիկյանը։
«Իհարկե, անմեղության կանխավարկածը հաշվի առնելով, ես չեմ կարող դա տարածել նաև հիվանդություն ունեցողների նկատմամբ, բայց, ամեն դեպքում, կասկածի որդը շարունակում է ինձ ներսից կեղեքել և ճնշել, որպեսզի ես նրանց նկատմամբ նույնպես ուշադիր լինեմ։ Սա ի գիտություն մեր շատ սիրելի Պաշտպանության նախարարության աշխատակիցներին, որոնք ունեն զավակներ, ոչ իրենց կամքով, գուցե, անառողջ են, առողջություն բոլորին, բայց նաև կա որոշակի սեգմենտ, որ վստահ եմ, որ իրական հիվանդության հետ ոչ մի աղերս չունի։ Սա հանրային պրոբլեմ է, սա իմ պրոբլեմը չի, սա ձեր պրոբլեմն է, զանգվածային լրատվության, հարգելի մասնակիցներ և լրատվամիջոցներ, խնդրում եմ, այս հարցում մեզ օգնեք»,- նշեց Պապիկյանը։
Նա հորդորեց խնդիրը համարել ազգային անվտանգության մակարդակի։
«Շատ-շատ մարդկանց զավակներ կամ ուղղակի իրոք հիվանդ մարդիկ ազատվել են, այսպես կոչված, գլխուղեղի կիստայով։ Սա այն հայտնի հիվանդությունն է, որը մարդկանց ուշադրության կենտրոնում է եղել։ Բայց սա ավելի զարգացել է տեխնոլոգիայի զարգացման բերումով, այսինքն՝ մարդիկ գնացել և ամենափոքր խնդիրը ֆիքսել են, ընդ որում, ոչ մեկս չգիտի, մենք չենք փորձաքննել, կարող է պարզվի, այդ թվում նաև ձեր շրջանակներում գտնվող ծառայած մարդիկ, ձեր եղբայրները, ձեր ամուսինները, զավակները ծառայել են գուցե այդ խնդիրը ունենալով։ Եվ մենք այս փոփոխության բերումով միայն հարյուրավոր երիտասարդների կարողացել ենք զորակոչել, առողջ երիտասարդների մասին է խոսքը, զորակոչել ենք բանակ։ Եվ սա ունեցել է էական փոփոխություն մեր թվերի վրա, բայց սա վերաբերում է նաև բազմապիսի այլ հիվանդությունների, և ամեն տարի 404 որոշման մեջ մենք որոշակի փոփոխություններ ենք կատարում՝ մոնիթորինգի ենթարկելով նախորդ տարվա հիվանդությունների ավելացման տենդենցը։
Պատկերացրեք, երբեմն լինում են դեպքեր, երբ Կառավարության որոշման ցանկում հայտնվում է հիվանդություն, որը բանակ զորակոչելու ենթակա է, նախկին տարվա, նախորդ տարվա այդ համեմատում ես, 80%-ով այդ հիվանդությունը հաջորդ տարի պակասում է։ Սա ինչի՞ մասին է։ Առողջացա՞նք։ Բուժվեցի՞նք միանգամից բոլորս»,- նշեց Պապիկյանը։
Մանրամասները՝ տեսանյութում։
