03.04.2026 | 12:14
Բողոքի ակցիա Գլխավոր դատախազության մոտ Հանրային հեռուստաընկերության գործունեության հետ կապված․ ՈՒՂԻՂ
«Զանգեզուրի միջանցքը շահագործման կհանձնենք մինչև 2030 թվականը». Թուրքիայի տրանսպորտի նախարար
Քաղաքականություն
13.01.2026 | 14:55
Թուրքիայի տրանսպորտի և ենթակառուցվածքների նախարար Աբդուլքադիր Ուրալօղլուն թուրքական պետական Անադոլու գործակալության հետ հարցազրույցում անդրադարձել է իր ղեկավարած գերատեսչության 2025 թվականի գործունեությանը և գնահատել 2026 թվականի նպատակները։ Այս համատեքստում նա կրկին, այսպես կոչված, «Զանգեզուրի միջանցք» եզրույթն է կիրառել։
Ուրալօղլուն ընդգծել է «Կարս-Իգդիր-Արալըկ-Դիլուջու երկաթուղային գծի կարևորությունը Զանգեզուրի միջանցքի համար՝ նշելով, որ նախագծի հիմքը դրվել է անցյալ տարի, և աշխատանքները շարունակվում են»։
«Ադրբեջանական կողմը նույնպես շարունակում է իր աշխատանքները։ Նախիջևանի կողմում նույնպես կան որոշ անավարտ աշխատանքներ։ Ադրբեջանական կողմը, հավանաբար, դրանք կսկսի այս տարի։ Ինչպես գիտեք՝ Զանգեզուրի անցումը գործընթաց է, որը սկսվել է ԱՄՆ-ի մասնակցությամբ։ Մենք այս տարի նույնպես առաջընթաց ենք ակնկալում այնտեղ։ Մենք Զանգեզուրի միջանցքը շահագործման կհանձնենք մինչև 2030 թվականը»,- հայտարարել է թուրք պաշտոնյան։
Թարգմանությունը՝ Էմմա Չոբանյանի
