ԱՄՆ Ներկայացուցիչների պալատ Գրենլանդիան բռնակցելու մասին օրինագիծ է ներկայացվել

Լուրեր

21.11.2026 | 10:50
Նարեկ Մկրտչյանը մասնակցել է Մելանիա Թրամփի վավերագրական շարքի համաշխարհային պրեմիերային
21.11.2026 | 10:25
Ամփոփիչ մրցաշարում հայտնի են կիսաեզրափակիչի զույգերը. ՏԵՍԱՆՅՈՒԹ
21.11.2026 | 10:15
ՀՀ տարածքում ավտոճանապարհները հիմնականում անցանելի են
21.11.2026 | 09:30
Դավիթ Սիմոնյանը հաղթել է նոկաուտով ու մեդալ ապահովել Մ-23 ԵԱ-ում. ՏԵՍԱՆՅՈՒԹ
21.11.2026 | 00:06
Էդուարդ Սպերցյանը մասնակցեց «Ալ Նասրի» նկատմամբ հաղթանակին. ՏԵՍԱՆՅՈՒԹ
20.11.2026 | 23:39
Հայաստանը համերաշխություն է հայտնում Վրաստանին այս դժվարին պահին. Փաշինյան
20.11.2026 | 23:13
Հայաստանն ու Ալբանիան քննարկվել են տնտեսական համագործակցության խորացման հեռանկարները
20.11.2026 | 23:00
Լոռու մարզում գազանջատումներ կլինեն
20.11.2026 | 22:47
Թուրքական արտադրության Kizilelma անօդաչու կործանիչն աշխարհում առաջինն է անցել զինվորական ծառայության
20.11.2026 | 22:33
Վաղարշապատի կամրջի հարակից ճանապարհահատվածը ժամանակավորապես փակ կլինի երթևեկության համար
20.11.2026 | 22:19
Բաքուն հայտնում է ահաբեկչական կազմակերպության անդամ Ադրբեջանի քաղաքացիների ձերբակալության մասին
20.11.2026 | 22:04
Հայաստանի մի շարք հասցեներում էլեկտրաէներգիայի անջատումներ կլինեն
20.11.2026 | 21:50
Ադրբեջանի ընդդիմության ղեկավարի կալանքի թեման ուշադրության կենտրոնում է եղել Գերմանիայի ԱԳ նախարարի՝ Բաքու կատարած այցի ժամանակ
20.11.2026 | 21:36
Հայաստանն ընդունել է Գազայից երեք պաղեստինցի երեխայի. նրանց մասնագիտացված բուժօգնություն կցուցաբերվի
20.11.2026 | 21:23
Թվային լուծումներ՝ մեկ էկոհամակարգում․ IDBank-ը՝ DigiTec 2026-ում
Բոլորը

Ֆլորիդայից ԱՄՆ Ներկայացուցիչների պալատի հանրապետական ​​​​անդամ Ռենդի Ֆայնը քննարկման է ներկայացրել Գրենլանդիայի բռնակցման և նահանգի կարգավիճակի տրամադրման  մասին օրենքի նախագիծ: Ներկայացուցիչների պալատի կայքի հաղորդագրության համաձայն՝ օրինագիծը նպատակ ունի «ապահովել ԱՄՆ ռազմավարական ազգային անվտանգության շահերն Արկտիկայում և հակազդել Չինաստանից և Ռուսաստանից եկող աճող սպառնալիքներին», գրում է The Insider-ը։

«Գրենլանդիան հեռավոր ֆորպոստ չէ, որը մենք կարող ենք անտեսել. այն կենսականորեն կարևոր ազգային անվտանգության ռեսուրս է։ Ով էլ վերահսկի Գրենլանդիան, վերահսկում է Արկտիկայի հիմնական նավագնացության ուղիները և անվտանգության ճարտարապետությունը, որը պաշտպանում է Միացյալ Նահանգները: Ամերիկան ​​չի կարող իր ապագան թողնել այն ռեժիմների ձեռքում, որոնք արհամարհում են մեր արժեքները և ձգտում են խաթարել մեր անվտանգությունը»,- նշել է կոնգրեսական Ֆայնը:

Օրինագծում նշվում է, որ նախագահ Դոնալդ Թրամփն «իրավասու է ձեռնարկել անհրաժեշտ քայլեր, այդ թվում՝ ձգտելով բանակցություններ սկսել Դանիայի Թագավորության հետ՝ Գրենլանդիան որպես Միացյալ Նահանգների տարածք բռնակցելու կամ այլ կերպ ձեռք բերելու վերաբերյալ»։

Միաժամանակ, Քալիֆորնիայից դեմոկրատ կոնգրեսական Ջիմի Գոմեսը քննարկման է ներկայացրել «Գրենլանդիայի ինքնիշխանության պաշտպանության մասին» օրինագիծը, որը ենթադրում է «Գրենլանդիա ներխուժման, դրա բռնակցման, գնման կամ այլ կերպ ձեռք բերման» համար դաշնային միջոցների օգտագործման արգելք։ Փաստաթղթով նաև առաջարկվում է դադարեցնել կղզում ամերիկյան զորքերի թվաքանակի ավելացման կամ հանրային ազդեցության այն արշավների ֆինանսավորումը, որոնց նպատակն է՝ համոզել կղզու բնակիչներին աջակցել ԱՄՆ-ի կողմից Գրենլանդիայի բռնակցմանը։

Թրամփը Գրենլանդիայի նկատմամբ ԱՄՆ-ի վերահսկողության մասին խոսել էր դեռևս իր երդմնակալությունից առաջ։ Մի քանի օր առաջ, նավթային ընկերությունների ղեկավարների հետ հանդիպման ժամանակ, Թրամփը կրկին հայտարարել է, որ ԱՄՆ-ը պետք է վերահսկողություն ձեռք բերի Գրենլանդիայի նկատմամբ։ Հակառակ դեպքում, նա նշել է, որ կղզին կգրավվի Ռուսաստանի կամ Չինաստանի կողմից։ Դրանից հետո Գրենլանդիայի խորհրդարանում ներկայացված հինգ քաղաքական կուսակցությունների ղեկավարները համատեղ հայտարարություն  էին տարածել, որում նշվում է, որ տարածքի ճակատագիրը պետք է որոշեն դրա բնակիչները. «Մենք չենք ուզում լինել ամերիկացիներ, մենք չենք ուզում լինել դանիացիներ, մենք ուզում ենք լինել գրենլանդացիներ»։

Դանիայի ռազմական հետախուզության ծառայությունն առաջին անգամ Միացյալ Նահանգները ներառել է այն երկրների ցանկում, որոնք կարող են սպառնալիք ներկայացնել ազգային անվտանգության համար։

Թարգմանությունը՝ Էմմա Չոբանյանի