20.05.2026 | 22:00
Փաշինյանը որ այդ քարտեզը բաժանում է, անգամ այդտեղից են տարածքներ զիջել․ երկիրը կործանման են տարել. Մանուկ Սուքիասյան. ՏԵՍԱՆՅՈՒԹ
Դանիան և Գրենլանդիան չորեքշաբթի ԱՄՆ-ի հետ բանակցություններ կանցկացնեն
Քաղաքականություն
12.01.2026 | 21:39
Գրենլանդիան կանգնած է վճռորոշ շաբաթվա առջև, որը կարող է ձևավորել նրա ապագան, քանի որ Դանիայի և կիսաինքնավար տարածքի բարձրաստիճան դիվանագետները պատրաստվում են Վաշինգտոնում բարձր մակարդակի բանակցություններ վարել ԱՄՆ-ի հետ, նաև զուգահեռաբար քննարկումներ են Գերմանիայի ներգրավվածության, գրում Bloomberg-ը։
Գերմանիայի արտաքին գործերի նախարար Յոհան Վադեֆուլը մինչ այդ կհանդիպի ԱՄՆ պետքարտուղար Մարկո Ռուբիոյի հետ, որի ընթացքում կքննարկի Գրենլանդիայի հարցը և այն դերը, որը ՆԱՏՕ-ն կարող է խաղալ տարածաշրջանի կայունության մեջ։
Արդեն չորեքշաբթի Դանիայի արտաքին գործերի նախարար Լարս Լոկե Ռասմուսենը և նրա գրենլանդացի գործընկեր Վիվիան Մոտցֆելդտը կհանդիպեն Ռուբիոյի հետ, հաղորդում է դանիական TV2 հեռուստաալիքը՝ հղում անելով ԱՄՆ Պետքարտուղարության աշխատանքային ժամանակացույցին։
Ավելի վաղ ԱՄՆ նախագահ Դոնալդ Թրամփը հայտարարել էր, որ ԱՄՆ-ը պետք է ձեռք բերի Գրենլանդիան՝ պնդելով, որ Արկտիկական տարածքը պաշտպանական միջոցներ չունի և զգուշացնելով, որ Ռուսաստանը կամ Չինաստանը կմիջամտեն, եթե Վաշինգտոնը չգործի․ քայլ, որը, նրա խոսքով, կարևոր է ԱՄՆ-ի և ՆԱՏՕ-ի անվտանգության համար։
Թարգմանությունը՝ Էմմա Չոբանյանի
