06.03.2026 | 23:30
ԱՄՆ կոնգրեսականները պահանջում են հետաքննել Վաշինգտոնում Ալիևի անվտանգության աշխատակիցների հետ կապված միջադեպը
Թրամփը Իրանի հետ առևտուր անող երկրներին սպառնացել է 25% մաքսատուրքով․ ՀՀ- Իրան տարեկան ապրանքաշրջանառությունը մոտ 1 մլրդ դոլարի է հասնում
Քաղաքականություն
13.01.2026 | 09:35
ԱՄՆ նախագահ Դոնալդ Թրամփը truthsocial-ում գրառում է արել, որով Իրանի հետ առևտուր անող երկրներին սպառնացել է 25% մաքսատուրքով։
«Անմիջապես ուժի մեջ է մտնում հետևյալ․ Իրանի Իսլամական Հանրապետության հետ գործարքներ կնքող ցանկացած երկիր 25% մաքսատուրք կվճարի Ամերիկայի Միացյալ Նահանգների հետ կատարված ցանկացած գործարքի համար։ Այս որոշումը վերջնական է և վճռորոշ։ Շնորհակալություն այս հարցի նկատմամբ ձեր ուշադրության համար»,- գրել է ԱՄՆ առաջնորդը։
Նշենք, որ վերջին տարիներին Հայաստան-Իրան առևտրաշրջանառության ծավալներն աճել են։ Հարևան երկրից ներմուծվում են երկաթ և պողպատ, բնական գազ, նավթային ապրանքներ, պլաստիկ, շինարարական նյութեր։ Հայաստանն իր հերթին Իրան է արտահանում էլեկտրաէներգիա, հանքային նյութեր, սննդամթերք, մեքենաներ և սարքավորումներ։
Հայաստանի և Իրանի միջև տարեկան ապրանքաշրջանառությունը շուրջ 1 միլիարդ դոլարի է հասնում։
Factor.am-ը օրերս անդրադարձել էր Իրանի հետ առևտրաշրջանառությանը՝ Իրանում տեղի ունեցող ցույցերի ֆոնին։
Հիշեցնենք նաև, որ դեռևս 2025 թվականի ապրիլին Թրամփը Հայաստանի Հանրապետության համար 10 % մաքսատուրք էր սահմանել։
Թարգմանությունը՝ Անահիտ Խաչատրյանի
