18.04.2026 | 20:30
TikTok-յան քաղաքական պատերազմներ․ ինչպես են ԱԲ-ով կեղծում իրականությունը․ ՏԵՍԱՆՅՈւԹ
Ալիևը Հայաստանին մեղադրել է ժամանակին Ադրբեջանի դեմ իրականացված «ջրային ահաբեկչության» մեջ
Քաղաքականություն
12.01.2026 | 21:13
Ադրբեջանի նախագահ Իլհամ Ալիևի նախագահությամբ տեղի է ունեցել Բաքվում և Աբշերոնի թերակղզում 2026-2035 թվականների ջրամատակարարման, անձրևաջրերի և կեղտաջրերի հեռացման համակարգերի բարելավման պետական ծրագրի վերաբերյալ նիստ:
«Այսօր մենք իրականացնում ենք ազատագրված տարածքներում խմելու և ոռոգման ջրով ապահովելու ծրագրեր: Վերջին հինգ տարիների ընթացքում իրականացվել են մի քանի կարևոր ծրագրեր: Ջրամբարները, որոնք մի ժամանակ ոչնչացվել էին Հայաստանի կողմից և դարձել անօգտագործելի, ամբողջությամբ վերանորոգվել են։ Դրանց թվում, առաջին հերթին, պետք է նշեմ Սարսանգի ջրամբարը։ Այն ոչ միայն ազատագրված տարածքների, այլև մեր երկրի ամենամեծ ջրամբարներից մեկն է։ Երբ մեր հողերը գտնվում էին օկուպացիայի տակ, հայկական պետությունը մեր դեմ իրականացնում էր նաև ջրային ահաբեկչություն։ Սարսանգի և Սուգովուշանի ջրամբարների ջրերը կտրելը և ջուրը որպես զենք օգտագործելը մեզ համար մեծ խնդիրներ է ստեղծել։ Ջուրը կտրվում էր այն ամիսներին, երբ դրա կարիքը կար, ապա բաց էր թողնվում, ինչը հանգեցնում էր խոշոր ջրհեղեղների։ Այլ կերպ ասած, հայկական պետությունը, փաստացի, իրականացնում էր ջրային ահաբեկչություն»,- ասել է Ալիևը։
Նա հայտարարել է, թե Մատաղիսի և Սարսանգի ջրամբարները լիովին վերանորոգվել են։ Ինչ վերաբերում է Արցախի մյուս տարածքներին, Վարանդայում վերանորոգվել են երեք ջրամբարներ, իսկ Աղդամի շրջանում՝ Խաչինչայի ջրամբարը։ Լաչինի շրջանում վերանորոգված Զաբուխչայի ջրամբարն արդեն գործում է, նախատեսվում է կառուցել ևս երկու խոշոր ջրամբար։
Թարգմանությունը՝ Էմմա Չոբանյանի
