17.05.2026 | 21:47
Ըմբիշ Ավետիք Թութխալյանը դարձել է Մ-17 ԵԱ բրոնզե մեդալակիր
Իրանի ԱԳ նախարարը հայտարարել է, որ բողոքի ցույցերը վերածվել են արյունալի անկարգությունների՝ Թրամփին պատրվակ տալով միջամտելու
12.01.2026 | 13:41
Իրանի արտաքին գործերի նախարար Աբբաս Արաղչին պնդել է, որ համազգային բողոքի ցույցերը «բռնի և արյունալի են դարձել՝ ԱՄՆ նախագահ Դոնալդ Թրամփին միջամտելու պատրվակ տալու համար», գրում է France 24-ը։
Արաղչիի պնդումը հնչում է ավելի քան 500 զոհի մասին տեղեկությունների տարածման ֆոնին։ Ըստ նախարարի՝ «իրավիճակը լիակատար վերահսկողության տակ է»։ Արաղչին այս մասին խոսել է Թեհրանում գտնվող օտարերկրյա դիվանագետների հետ հանդիպման ժամանակ։
Արաղչիի խոսքով՝ Իրանը լիովին պատրաստ է հակամարտության, բայց նաև պատրաստ է բանակցությունների։
«Իրանի Իսլամական Հանրապետությունը չի ձգտում պատերազմի, բայց լիովին պատրաստ է պատերազմի»,- ասել է նա՝ հավելելով․ «Մենք պատրաստ ենք նաև բանակցությունների, բայց այդ բանակցությունները պետք է լինեն արդար, հավասար իրավունքներով և հիմնված փոխադարձ հարգանքի վրա»։
Նշենք, որ հունվարի 11-ի երեկոյան Իրանի իշխանությունները եռօրյա սուգ են հայտարարել՝ չանդրադառնալով հարցին, որ սպանվածների մեծ մասը ցուցարարներ են։ Ինչպես հաղորդում է Radio Farda-ն, կառավարության հայտարարության մեջ ցուցարարների և անվտանգության ուժերի մահը վերագրվում է «հանցագործ ահաբեկիչներին»։
Թարգմանությունը՝ Էմմա Չոբանյանի
