09.06.2026 | 23:19
Կանանց Հայաստանի հավաքականը 0:6 հաշվով պարտվեց Բելառուսին. ՏԵՍԱՆՅՈՒԹ
Բազմաթիվ դիեր․ Իրանում բողոքի ցույցերի ընթացքում զոհերի թիվը հասել է առնվազն 544-ի․ ՏԵՍԱՆՅՈՒԹ
Քաղաքականություն
12.01.2026 | 11:41
Իրանում զոհերի թիվն աճել է․ այս մասին հաղորդում է CNN-ը՝ հղում անելով ԱՄՆ-ում գործող իրավապաշտպան խմբին, որը հետևում է երկրում լայնածավալ հակակառավարական բողոքի ցույցերին։
Human Rights Activists in Iran և Human Rights Activist News Agency (HRANA)-ի թարմացված տվյալների համաձայն՝ վերջին 15 օրերի ընթացքում տեղի ունեցած ցույցերի ժամանակ զոհվել է առնվազն 544 մարդ, այդ թվում՝ 8 երեխա։
Գործակալությունը հայտնել է, որ ձերբակալությունից հետո ավելի քան 10,681 անձ տեղափոխվել է բանտ։
Իսկ ահա Նորվեգիայում գործող «Իրանի մարդու իրավունքներ» (IHR) ոչ կառավարական կազմակերպությունը հաստատել է, որ մինչ օրս սպանվել է առնվազն 192 ցուցարար, սակայն մտավախություն ունի, որ իրական թիվը կարող է շատ ավելի մեծ լինել, գուցե հազարներով։
«Չհաստատված հաղորդագրությունները ցույց են տալիս, որ սպանվել է առնվազն մի քանի հարյուր, իսկ որոշ աղբյուրների համաձայն՝ ավելի քան 2000 մարդ», – ասել է IHR-ը։
Կազմակերպության տվյալներով՝ ձերբակալվել է ավելի քան 2600 ցուցարար։ Կիրակի օրը համացանցում տարածվել է մի տեսանյութ, որտեղ երևում են Թեհրանի հարավում գտնվող դիահերձարանի մոտ դրված տասնյակ դիակներ՝ շրջապատված սգացող հարազատներով։
Թարգմանությունը՝ Էմմա Չոբանյանի
