03.08.2026 | 23:30
Տաթև-Լծեն ավտոճանապարհին բեռնատարը դուրս է եկել երթևեկելի հատվածից և բախվել հողաթմբին
Սփյուռքի մեր հայրենակիցներին խաթարված ձևով է ներկայացվում ճշմարտությունը․ Զարեհ Սինանյան․ ՏԵՍԱՆՅՈՒԹ
Քաղաքականություն
12.01.2026 | 11:36
«Անցյալ տարի, իհարկե, մեծ էր աշխատանքը սփյուռքում՝ այցերի միջոցով և նաև հյուրերին ընդունելու միջոցով, որտեղ մենք փորձում էինք մեր հայրենակիցներին պարզաբանել, բացատրել, թե ինչ է տեղի ունենում Հայաստանում, ինչ զարգացումներ են տեղի ունենում, ինչ է «Իրական Հայաստան»-ի կոնցեպտը, ինչու երկրում հսկայական դժգոհություն կա Հայ առաքելական եկեղեցու վերնախավի հայտնի անձանց հետ կապված, որովհետև սփյուռքում բնակվելով՝ մեր հայրենակիցները մի քիչ այլ տեսանկյունից են նայում, և իրենց էլ շատ խաթարված ձևով է ներկայացվում ճշմարտությունը»,- այս մասին հրավիրված մամուլի ասուլիսի ժամանակ ասել է ՀՀ սփյուռքի գործերի գլխավոր հանձնակատար Զարեհ Սինանյանը։
Նա ընդգծել է՝ ուժեր կան, որոնք «օր ու գիշեր զբաղվում են նման զարգացումները թյուր ձևով ներկայացնելով», որն ազդում է սփյուռքում բարոյահոգեբանական իրավիճակի, ինչպես նաև Հայաստանի հետ կապերի վրա։
«Անցյալ տարի նաև անցկացրինք մեր առաջին մշակութային համաժողովը ֆրանսահայ հայրենակիցների հետ համագործակցաբար, որի ընթացքում 250 մշակույթի գործիչներ հավաքվեցին Հայաստանում և խոսեցին մշակույթի հետ կապված տարատեսակ հարցերի մասին, բոլոր այն խնդիրների մասին, որոնք մշակույթը կարևոր են դարձնում մեր ազգի համար, ոչ միայն սփյուռքում, այլ նաև Հայաստանում»,- ասել է նա։
Մանրամասները՝ տեսանյութում։
