18.09.2026 | 12:31
Բաքուն պնդում է՝ մահափորձեր է կանխել․ հակաահաբեկչական գործողություններ են իրականացվել 5 երկրներում, 10 մարդ ձերբակալվել է
ԱՄՆ միջանկյալ ընտրություններում հայազգի չորս թեկնածու է ընտրվել
Քաղաքականություն
07.11.2018 | 16:38
ԱՄՆ Հայ դատի հանձնախմբի գրասենյակն ամփոփել է նոյեմբերի 6-ին տեղի ունեցած ամերիկյան Կոնգրեսի երկու պալատների միջանկյալ ընտրությունների նախնական արդյունքները: Ֆեյսբուքյան էջում Հանձնախումբը հրապարակել է ընտրված հայազգի օրենսդիրների անունները՝ Աննա Աստվածատուրյան Թըրքոթ, Էնթոնի Բրինդիզի, Աննա Էշու և Ջեքի Սփիր: Աննա Աստվածատուրյան Թըրքոթն առաջադրվել էր Դեմոկրատական կուսակցության կողմից, Մեն նահանգի Ուեսթբրուք քաղաքից։
Բաքվի ջարդերից ընտանիքի հետ փախուստի դիմած և ԱՄՆ-ում հաստատված Աննան արդեն երկրորդ անգամ է Կոնգրեսի անդամ ընտրվում։ Նորընտիր մյուս կոնգրեսական Էնթոնի Բրինդիզին Ներկայացուցիչների պալատի անդամ է ընտրվել։
Ցեղասպանության տարիներին նրա ծնողներն Արևմտյան Հայաստանից Հալեպ են գաղթել, հետո հաստատվել ԱՄՆ-ում։ Ընտրվելուց հետո նա նշել է, որ անհամբերությամբ սպասում է Կոնգրեսի ամերիկահայ ներկայացուցիչների հետ աշխատանքին և հայ-ամերիկյան հարաբերությունների առաջնահերթություններով զբաղվելուն։ Էնթոնի Բրիդիզին կարևորում է նաև Հայոց ցեղասպանության ճանաչման հարցով զբաղվելու հնարավորությունը։
Ներկայացուցիչների պալատի անդամների պաշտոնում հայկական արմատներ ունեցող ևս երկու օրենսդիր է վերընտրվել՝ Աննա Էշուն և Ջեքի Սփիրը։ Միջանկյալ այս ընտրություններում նաև հայամետ դիրքորոշում ունեցող գործիչներ են հաղթել՝ Բոբ Մենենդեսը, Փիթեր Վիսքլոզկին, Ջիմ Բենքսը, Անդրե Քարսոնը, Ջոն Յարմութը, Գաս Բիլիրակիսը և մեկ տասնյակից ավելի այլ թեկնածուներ:
Հայ դատի հանձնախմբի ֆեյսբուքյան էջում նշվում է, որ եթե դեմոկրատներին հաջողվի Ներկայացուցիչների պալատում մեծամասնություն կազմել, ապա կարևորագույն նշանակություն ունեցող հանձնաժողովների նախագահների պաշտոններին հավակնող հայամետ դիրքորոշմամբ օրենսդիրները թիվն ավելի մեծ կլինի:
