31.01.2026 | 23:36
Եվրո-2026․ Ֆուտզալի Հայաստանի հավաքականն ավարտեց ելույթը
Մեկ օրում բացահայտվել է 132 հանցագործություն, գրանցվել 8 ավտովթար
Հասարակություն
09.01.2026 | 14:29
ՆԳՆ ոստիկանությունից հայտնում են, որ մեկ օրում բացահայտվել է 132 հանցագործություն, որոնցից 6-ը՝ նախկինում կատարված:
«Մասնավորապես՝
- 44 դեպք՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու,
- 17 դեպք՝ թմրանյութի հայտնաբերման,
- 11 դեպք՝ խարդախության,
- 5-ական դեպք՝ ֆիզիկական ներգործության, անձնական ունեցվածքի գողության, փաստաթուղթ կեղծելու,
- 4 դեպք՝ հոգեկան ներգործության,
- 2-ական դեպք՝ բնակարանային գողության, ապօրինի ձեռնարկատիրական գործունեության, խուլիգանության, զենք-զինամթերքի առգրավման, սառը զենքի հայտնաբերման։
Բացահայտվել են մարդու առևանգման, գույքը ոչնչացնելու կամ վնասելու, ծառերը, թփերը ապօրինի հատելու, աշխատանքի պաշտպանության կամ անվտանգության կանոնները խախտելու, անձնական կյանքի գաղտնիությունը խախտելու, անվտանգության պահանջներին չհամապատասխանող ապրանքների շրջանառության, հետամտելու և այլ դեպքեր։
Նախկինում կատարված հանցագործություններից բացահայտվել են՝
- 3 դեպք՝ անձնական ունեցվածքի գողության,
- 1-ական դեպք՝ բնակարանային գողության, խուլիգանության, խարդախության։
Հայտնաբերվել է 11 հետախուզվող, կամավոր ներկայացել՝ 3-ը։
Գրանցվել է զենք-զինամթերք կամավոր հանձնելու 6 դեպք։
Անցած 1 օրում գրանցվել է 8 ավտովթար․ 10 մարդ ստացել է տարբեր աստիճանի մարմնական վնասվածքներ»,- ասված է հաղորդագրությունում։
