07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
Բյուջեն սկսվում է, երբ շամպայնի բաժակներ ենք բարձրացնում. այդ պահին բյուջեում 0 է. Փաշինյան․ ՏԵՍԱՆՅՈՒԹ
Տնտեսություն
08.01.2026 | 11:46
Կառավարությունը հաստատեց Հայաստանի տնտեսական և ինստիտուցիոնալ վերափոխման դոկտրինը։
Նիկոլ Փաշինյանը հայտարարեց, որ Հայաստանի տնտեսական և ինստիտուցիոնալ վերափոխման դոկտրինը ներկայանում է որպես զարգացման ուղենիշ, որի նպատակն է վերանայել ու ամրապնդել երկրի տնտեսական կառուցվածքն ու պետական ինստիտուտները։ Նա ասաց, որ տարվա ընթացքում եկամուտների կանխատեսումն ավելացրել են։
«Կանխատեսումից մի քիչ պակաս ենք հավաքել, բայց ի սկզբանե պլանավորածից հավաքել ենք ավելին, այսինքն՝ բյուջեն գերակատարվել է»,- նշեց Փաշինյանը։
Ըստ Փաշինյանի՝ 2018 թվականի հեղափոխությունից ի վեր՝ Հայաստանի տնտեսությունն աճել է ավելի քան 50 տոկոսով։
«Մենք հիմա ունենք բոլորովին ուրիշ տնտեսություն ու բոլորովին ուրիշ երկիր, քան ունեինք 2018 թվականին»,- ասաց Նիկոլ Փաշինյանը։
Վարչապետի գնահատմամբ Հայաստանում ոչ միայն քաղաքական համակարգն է ժողովրդավար, այլև՝ տնտեսական համակարգը։
«Կառավարությունը չի միջամտել այնտեղ, որտեղ չպետք է միջամտեր, մյուս կողմից՝ Կառավարությունը միջամտել է այնտեղ, որտեղ պետք է միջամտեր»,- ասաց նա։
Ըստ նրա՝ Հայաստանում մարդն օբյեկտից վերածվել է սուբյեկտի։
«Հայաստանում բացարձակապես ամեն ինչ որոշում է մարդը՝ քաղաքացին։ Հայաստանի քաղաքացին որ պահին ուզենա՝ կարող է հեղափոխություն անել, որովհետև մենք 2018 թվականին ցույց ենք տվել, որ եթե քաղաքացին ուզենա հեղափոխություն անել՝ պարզապես չկա այդպիսի ուժ, որ կարողանա կասեցնել այդ հեղափոխությունը»,- հավաստիացրեց նա։
Փաշինյանի խոսքով՝ Հայաստանի տնտեսական և ինստիտուցիոնալ վերափոխման դոկտրինը պայմանավորված է նաև տարածաշրջանային ու արտաքին քաղաքական այն նոր միջավայրով, որը ձևավորվում է Հայաստանի շուրջ։
«Խաղաղության պայմաններում տնտեսությունը նույնպես պետք է վերափոխվի, ինչը հենց այսօր մեր աչքի առաջ տեղի է ունենում»,- նշեց նա։
Մանրամասները` տեսանյութում։
