03.07.2026 | 05:09
ԱԱ-2026. Պորտուգալիան հաղթանակ կորզեց ու կխաղա Իսպանիայի հետ. ՏԵՍԱՆՅՈՒԹ
Հիմա պետք է ավելի երիտասարդ մարդիկ առաջադրվեն. Արա Բաբլոյանը չի մասնակցի ԱԺ ընտրություններին․ ՏԵՍԱՆՅՈՒԹ
Քաղաքականություն
07.11.2018 | 13:45
Ազգային ժողովի նախագահ, ՀՀԿ-ական Արա Բաբլոյանը չի մասնակցի արտահերթ խորհրդարանական ընտրություններին:
Այս մասին Բաբլոյանն ասաց այսօր՝ նոյեմբերի 7-ին ԱԺ-ում լրագրողների հետ զրույցում:
«Հիմա պետք է ավելի երիտասարդ, բայց միաժամանակ փորձառություն ունեցող և բանիմաց մարդիկ մասնակցեն ընտրություններին: Կարծում եմ, որ նրանք առկա են»,- հավելեց նա:
Լրագրողների հարցին ի պատասխան՝ Արա Բաբլոյանը վստահեցրեց, որ ԱԺ ընտրություններին չի առաջադրվի նաև իր որդին, որը մասնակցել է նախորդ խորհրդարանական ընտրություններին: ԱԺ նախագահը նաև կարծում է, որ ՀՀԿ-ն պետք է մասնակցի այս ընտրություններին, սակայն դժվարանում է գնահատել խորհրդարան անցնելու նրա շանսերը. «Կարծում եմ՝ ՀՀԿ-ն ունի մարդկային և մասնագիտական լուրջ պոտենցիալ, և դա պետք է օգտագործել հետագա մեր զարգացումներում»:
Հիշեցնենք, որ Factor.am-ը դեռ օրեր առաջ էր գրել, որ Արա Բաբլոյանը չի պատրաստվում առաջադրվել դեկտեմբերի 9-ին նախանշված ԱԺ արտահերթ ընտրություններում։
Մանրամասները՝ տեսանյութում
