14.09.2026 | 15:03
Իրանը կանչել է Ավստրիայի դեսպանին՝ Վիեննայում կայանալիք միջուկային համաժողովին իր պաշտոնյայի մասնակցությունը խոչընդոտելու համար
Թրամփը մտադիր է գնել Գրենլանդիան. Ռուբիո․ The Wall Street Journal
Քաղաքականություն
07.01.2026 | 10:21
ԱՄՆ պետքարտուղար Մարկո Ռուբիոն հայտարարել է, որ Վաշինգտոնը Գրենլանդիայի գնումը գերադասում է ռազմական միջամտությունից, հաղորդում է The Wall Street Journal-ը՝ հղում անելով սեփական աղբյուրներին։
Հրապարակման համաձայն, Ռուբիոն այս հայտարարությունն արել է հունվարի 5-ին՝ ԱՄՆ Կոնգրեսի անդամների համար փակ ճեպազրույցի ժամանակ։ Հանդիպմանը ներկա են եղել նաև Պենտագոնի քարտուղար Փիթ Հեգսեթը և Շտաբների պետերի միացյալ կոմիտեի նախագահ Դեն Քեյնը։ Հանդիպմանը կենտրոնացել են Վենեսուելայում ռազմական գործողության վրա, սակայն Սենատի դեմոկրատ առաջնորդ Չակ Շումերը (դեմոկրատ, Նյու Յորքից) հետաքրքրվել է, թե արդյոք վարչակազմը քննարկում է ուժի կիրառման հնարավորությունը այլ տարածաշրջաններում, մասնավորապես՝ Մեքսիկայում կամ Գրենլանդիայում։
Ինչպես նշում է հրատարակությունը, պետքարտուղարը պատասխանել է, որ նախագահ Դոնալդ Թրամփի վարչակազմի վերջին կոշտ հայտարարությունները չպետք է մեկնաբանվեն որպես անխուսափելի միջամտության նշան՝ ընդգծելով, որ հիմնական նպատակը մնում է կղզու հնարավոր ձեռքբերումը Դանիայից ։
The Wall Street Journal-ը նշում է, որ իրենց հրապարակային հայտարարություններում Թրամփը և նրա վարչակազմի մի շարք բարձրաստիճան պաշտոնյաներ չեն բացառել Գրենլանդիայի նկատմամբ վերահսկողություն հաստատելու համար ռազմական ուժ կիրառելու հնարավորությունը։
Հունվարի 5-ին Սպիտակ տան ղեկավարը հայտարարել էր, որ ամերիկացիներին Գրենլանդիան անհրաժեշտ է։
Մինչդեռ եվրոպացի մի շարք առաջնորդներ հակադարձել են ԱՄՆ նախագահ Դոնալդ Թրամփի՝ Գրենլանդիան ԱՄՆ-ին միացնելու հայտարարություններին։
Թարգմանությունը՝ Անահիտ Խաչատրյանի
