29.01.2026 | 20:46
Ինչպես է Ուկրաինայի դեմ պատերազմը փոխել ռուսներին, որ երկրներին են համարում բարեկամ ու թշնամի
Մեզ միանգամայն անհրաժեշտ է Գրենլանդիան. Թրամփ
Քաղաքականություն
05.01.2026 | 12:09
ԱՄՆ նախագահ Դոնալդ Թրամփը հայտարարել է, որ ամերիկացիներին Գրենլանդիան անհրաժեշտ է։ Այս մասին նա ասել է The Atlantic-ին տված հեռախոսազրույցում։
«Մեզ միանգամայն Գրենլանդիան անհրաժեշտ է», – հայտարարել է ԱՄՆ նախագահը։
Նա հավելել է, որ ամերիկացիներին կղզին անհրաժեշտ է պաշտպանական նպատակներով, քանի որ այն «շրջապատված է ռուսական և չինական նավերով»։
Լրատվամիջոցը հայտնում է, որ զրույցի ընթացքում Թրամփը գտնվել է իր գոլֆի ակումբում՝ Վեսթ Փալմ Բիչում։ Նա լավ տրամադրության մեջ է եղել և հաստատել է, որ Վենեսուելան վերջին երկիրը չէ, որին ԱՄՆ-ը կարող է միջամտել։
Հիշեցնենք, որ 2026 թվականի հունվարի 3-ին ԱՄՆ զինվորականները գործողություն էին իրականացրել Վենեսուելայի մայրաքաղաքի կենտրոնում։ Նրանք գերի են վերցրել երկրի առաջնորդ Նիկոլաս Մադուրոյին և նրա կնոջը՝ Սիլիա Ֆլորեսին, և տեղափոխել Նյու Յորք։
ԱՄՆ նախագահ Դոնալդ Թրամփը հայտարարել էր, որ ամերիկացիները կստանձնեն Վենեսուելայի կառավարումը անցումային ժամանակահատվածում՝ առանց նշելու դրա տևողությունը։
Թարգմանությունը՝ Անահիտ Խաչատրյանի
