02.07.2026 | 15:22
Ձեր մեղավորությամբ ՀՀ-ն վերածվել է քաղկալանավայրի՝ բաց երկնքի տակ․ Մանուկյանը դիմեց ֆոն դեր Լայենին․ ՏԵՍԱՆՅՈՒԹ
Դելսի Ռոդրիգեսը կարող է ավելի մեծ գին վճարել, քան Նիկոլաս Մադուրոն, եթե չանի այն, ինչ ճիշտ է․ Թրամփ
Քաղաքականություն
05.01.2026 | 13:33
ԱՄՆ նախագահ Դոնալդ Թրամփը հայտարարել է, որ Վենեսուելայի փոխնախագահ Դելսի Ռոդրիգեսը կարող է ավելի մեծ գին վճարել, քան Նիկոլաս Մադուրոն, «եթե նա չանի այն, ինչ ճիշտ է»․ գրում է Reuters-ը՝ հղում անելով The Atlantic ամսագրին տված հարցազրույցին։
Թրամփը սկզբում գովաբանել է Ռոդրիգեսին, այն բանից հետո, երբ ԱՄՆ ուժերը Կարակասում գերի են վերցրել Վենեսուելայի նախագահ Նիկոլաս Մադուրոյին և նրա կնոջը։ Սակայն Ռոդրիգեսը հետագայում ասել է, որ իր երկիրը կպաշտպանի իր բնական պաշարները։
«Եթե նա չանի այն, ինչ ճիշտ է, նա շատ մեծ գին է վճարելու, հավանաբար ավելի շատ, քան Մադուրոն», – ասել է Թրամփը հեռախոսազրույցի ժամանակ։
Հիշեցնենք՝ հունվարի 3-ի լույս գիշերը ԱՄՆ-ը ռազմական օպերացիա էր իրականացրել Վենեսուելայում, որի ընթացքում ամերիկացի հատուկջոկատայինները գերեվարել և երկրից դուրս էին բերել նախագահ Նիկոլաս Մադուրոյին և նրա կնոջը՝ Սիլիա Ֆլորեսին։
Վենեսուելայի նախագահն ու նրա կինը գերի են վերցվել և արտաքսվել երկրից․ Թրամփ
Նրանք կանգնելու են Նյու Յորքի դատարանի առաջ։ Դոնալդ Թրամփը հայտարարել էր, որ ԱՄՆ-ը կղեկավարի Վենեսուելան մինչև երկրում իշխանության օրինական փոխանցումը։
Bloomberg․ Ռուբիոն կստանձնի Վենեսուելայի կառավարումը ԱՄՆ-ի կողմից
Հիշեցնենք նաև, որ Վենեսուելայի Գերագույն դատարանը Դելսի Ռոդրիգեսին նշանակել էր երկրի ժամանակավոր նախագահ։
Թարգմանությունը՝ Անահիտ Խաչատրյանի
