11.09.2026 | 23:28
Վարչապետը խարույկի շուրջ հանդիպում է ունեցել հեծանվավազքի «Վարչապետի գավաթ»-ի մասնակիցների հետ
Թրամփը հրապարակել է Վենեսուելայի առևանգված նախագահի լուսանկարը
Քաղաքականություն
03.01.2026 | 21:00
ԱՄՆ նախագահ Դոնալդ Թրամփը հրապարակել է առևանգված Նիկոլաս Մադուրոյի առաջին լուսանկարը: Կադրը տեղադրվել է TruthSocial սոցցանցում՝ ԱՄՆ նախագահի էջում։ Թրամփը գրել է, որ Մադուրոն գտնվում է ամերիկյան «Իվոձիմա» տեսակի դեսանտային ուղղաթիռակրի վրա:
Դատելով լուսանկարից՝ Մադուրոն կապկպված է գոտիներով, աչքերը կապված, ձեռնաշղթաներով է ու ականջակալներով։ Նրա կողքին հերթապահում է համազգեստով մի մարդ։
Ավելի վաղ CNN-ին իրավիճակին ծանոթ երկու աղբյուրներ հայտնել էին, որ Մադուրոյին և նրա կնոջը բառացիորեն հանել են ննջարանից։ Զույգը ձերբակալվել է գիշերը, երբ Մադուրոն և կինը քնած են եղել։
Այսօր՝ հունվարի 3-ին, ԱՄՆ-ն ռազմական գործողություն է իրականացրել Վենեսուելայի դեմ։ ԱՄՆ նախագահ Դոնալդ Թրամփը հաստատել է, որ ԱՄՆ-ն հարվածներ է հասցրել Վենեսուելայում գտնվող օբյեկտներին, երկրից դուրս է բերել նախագահ Նիկոլաս Մադուրոյին: Ամերիկյան կողմի տվյալներով՝ Մադուրոյին և նրա կնոջը այսօր Նյու Յորքում մեղադրանք է առաջադրվել «թմրահաբեկչության», կոկաինի մաքսանենգության և զենք պահելու համար:
