10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
Starlink ծառայությունների պաշտոնական մեկնարկը Հայաստանում՝ անցնող տարվա ձեռքբերում․ Մխիթար Հայրապետյան
31.12.2025 | 22:00
Starlink-ն ավելի քան 100 տերմինալ կնվիրի՝ ՀՀ հեռավոր համայնքների դպրոցներում ինտերնետ հասանելիությունբարելավելու նպատակով․ այս մասին ֆեյսբուքյան գրառմամբ տեղեկացրել է ԲՏԱ նախարար Մխիթար Հայրապետյանը։
«2025 թվականը ԲՏԱ նախարարության համար նշանավորվեց մի շարք կարևոր նվաճումներով: Տարվա ձեռքբերումներից մեկը Starlink ծառայությունների պաշտոնական մեկնարկն էր Հայաստանում. թվային ենթակառուցվածքների նոր մակարդակ՝ անվտանգ և որակյալ կապի ապահովմամբ, արագ և հուսալի արբանյակային ինտերնետ՝ քաղաքներից մինչև ամենահեռավոր գյուղերն ու դժվարամատչելի շրջանները։
Այսօր հատկապես ուրախ եմ նշել, որ ամերիկյան ընկերության հետ արդյունավետ համագործակցության և երկխոսության շնորհիվ Starlink-ը Հայաստանի՝ հիմնականում հեռավոր և դժվար հասանելի համայնքներում գտնվող դպրոցներին ավելի քան 100 տերմինալ նվիրաբերելու որոշում է կայացրել: Այս նախաձեռնությունը զգալիորեն կբարելավի կապի ապահովումը, կնպաստի թվային ներառմանը և կապահովի առցանց կրթության հասանելիությունը հազարավոր աշակերտների համար։
Դե ինչ, թող որ անցնող տարվա ընթացքում մեր աշխատանքի արդյունքում գրանցած հաջողությունները լինեն այն ամուր հիմքը, որի վրա 2026-ին կկառուցենք նորանոր նվաճումներ մեր պետության համար»,- գրել է նախարարը։
