28.07.2026 | 23:02
«Կարևոր է ակտիվացնել դիվանագիտական գործընթացը»․ Զելենսկին՝ Թրամփի հետ հանդիպման արդյունքների մասին
Ուկրաինան հետաքննում է Պոկրովսկի մոտակայքում ռուսների կողմից գերիների սպանությունը
Քաղաքականություն
29.12.2025 | 20:58
Ուկրաինայի գլխավոր դատախազությունը հետաքննություն է սկսել Պոկրովսկի շրջանում ռուսական զորքերի կողմից գերի վերցված ուկրաինացի զինվորների մահապատժի գործով, գրում է DW-ի ռուսական ծառայությունը։
Ըստ Դատախազության՝ այս տարվա դեկտեմբերի 27-ին Պոկրովսկի շրջանի Շախովո գյուղում դիրքերի վրա հարձակման ժամանակ ռուսները գերի են վերցրել Ուկրաինայի զինված ուժերի երկու զինծառայողի։
«Օկուպանտները, նրանցից մեկին սպառնալով հրազենով, ստիպել են նրան մասամբ մերկանալ, որից հետո կրակել են երկու զինաթափված պաշտպանների վրա։ Տեսնելով, որ ռազմագերիները մահացած են, նրանք հանել են նաև երկրորդ՝ արդեն մահացած պաշտպանի հագուստը»,- պնդում է Ուկրաինայի Գլխավոր դատախազությունը։
Գերատեսչությունը նաև կցել է անօդաչու թռչող սարքի կադրերի սքրինշոթեր, որոնք ցույց են տալիս նկարագրված իրադարձությունները:
«Ռազմագերիների դիտավորյալ սպանությունը Ժնևի կոնվենցիաների կոպիտ խախտում է և որակվում է որպես ծանր միջազգային հանցագործություն»,- ընդգծվում է հայտարարության մեջ:
Հետաքննություն է սկսվել անձի մահվան հանգեցրած ռազմական հանցագործության կատարման հոդվածով (Ուկրաինայի քրեական օրենսգրքի 438-րդ հոդվածի 2-րդ մաս):
Թարգմանությունը՝ Էմմա Չոբանյանի
