05.10.2026 | 16:03
Կրեմլը մեկնաբանել է Ռուսաստանում ժանտախտի տարածման մասին հաղորդումները
Անձնական տվյալների պաշտպանության գործակալությունը հորդորում է բարեգործական նպատակով լուսաբանումներ անելիս փակել երեխաների դեմքերը
Հասարակություն
29.12.2025 | 14:53
Նախատոնական օրերին որոշ անհատ օգտատերեր և կազմակերպություններ բարեգործության նպատակով հրապարակում են երեխաների մասնակցությամբ տեսանյութեր ու լուսանկարներ, որոնց միջոցով նույնականացվում են խոցելի խմբում գտնվող երեխաները։ Այս մասին տեղեկացնում է Անձնական տվյալների պաշտպանության գործակալությունը։
«Երեխաների անձնական տվյալների հրապարակումը պետք է բխի բացառապես երեխայի լավագույն շահի սկզբունքից, ուստի բարեգործական նպատակով լուսաբանումներ իրականացնելիս հորդորում ենք փակել երեխաների դեմքերը՝ այդպիսով ապանձնավորելով վերջիններիս՝ թույլ չտալով, որ նրանք թիրախավորվեն կամ ենթարկվեն հնարավոր բուլլինգի։ Երեխաների անձնական տվյալների մշակման հիմնական սկզբունքներին ու կանոններին առավել մանրամասն կարող եք ծանոթանալ Գործակալության կողմից կազմած ուղեցույցներում, որոնք հասանելի են PDPA.am կայքում (https://pdpa.am/hy/aware/category/1)»,- ասված է հաղորդագրության մեջ։
