10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
Վուչիչը կատարում է ցուցարարների գլխավոր պահանջը. Սերբիայում 2026 թվականին արտահերթ խորհրդարանական ընտրություններ կանցկացվեն
Քաղաքականություն
29.12.2025 | 14:08
Սերբիայում արտահերթ խորհրդարանական ընտրությունները կանցկացվեն 2026 թվականին։ Սերբիայի նախագահ Ալեքսանդր Վուչիչը հաստատել է դրանց անցկացումը, հայտնում են Blic-ը և Euronews-ի տեղական ծառայությունը։ Արտահերթ խորհրդարանական ընտրությունների անցկացումն ընդդիմության պահանջներից մեկն է, որը մեկ տարուց ավելի է, ինչ բողոքի ցույցեր է անցկացնում ամբողջ երկրում, գրում է The Insider-ը։
Հնարավոր ընտրությունների հստակ ամսաթիվը հայտնի չէ։ Pink TV-ի եթերում նախագահը հայտարարել է, որ դրանք կանցկացվեն «տարեվերջին, գուցե՝ ավելի վաղ»։
«Մենք բավարարել ենք նրանց [ցուցարարների] գլխավոր պահանջը՝ ընտրությունները կանցկացվեն հաջորդ տարի։ Նրանք այդքան էլ գոհ չեն լինի, երբ ձայները հաշվվեն, քանի որ մենք նրանց հաղթելու ենք Սերբիայի յուրաքանչյուր անկյունում»,- ասել է Վուչիչը նախօրեին խորհրդարանի շենքի առջև կայացած հանրահավաքի ժամանակ։
Գրեթե մեկ տարվա ընթացքում Սերբիայի խորհրդարանի շենքի առջև տեղադրված էր կառավարամետ ակտիվիստների վրանային ճամբարը։ Ավելի վաղ՝ դեկտեմբերի 27-ին, Վուչիչը հայտարարել էր, որ այն կապամոնտաժվի, վրաններով զբաղեցված փողոցը հունվարի 2-ին կամ 3-ին կմաքրվի երթևեկության համար։
Սերբիայում մեկ տարուց ավելի շարունակվող լայնածավալ բողոքի ցույցերի պահանջներից են արտահերթ խորհրդարանական ընտրությունները։ Ցույցերը սկսվել են 2024 թվականի նոյեմբերին՝ Նովի Սադի կայարանում տեղի ունեցած ողբերգությունից հետո, որտեղ տանիքի փլուզման հետևանքով 16 մարդ էր զոհվել։
Թարգմանությունը՝ Էմմա Չոբանյանի
