04.06.2026 | 22:43
«Կարապետյանի դատավճի՞ռն է», «Կարդացեք, իմ ձեռագիրը լավ գիտեք». Փաշինյանը` Մարուքյանին. ՏԵՍԱՆՅՈՒԹ
Էլինա Ավանեսյանը փոխհատուցում կվճարի Ռուսաստանի թենիսի ֆեդերացիային
29.12.2025 | 13:48
Հայաստանը ներկայացնող Էլինա Ավանեսյանը մարզական պատրաստության մասին պայմանագիրը խախտելու պատճառով փոխհատուցում կվճարի Ռուսաստանի թենիսի ֆեդերացիային, հաղորդում է կազմակերպության մամուլի ծառայությունը։
Որոշումն ընդունել է Սպորտի արբիտրաժի ազգային կենտրոնը (NCSA)։ Տուգանքի չափը չի նշվում։
2024 թվականին 23-ամյա թենիսիստուհին վաղաժամ խզել էր Ռուսաստանի թենիսի ֆեդերացիայի հետ պայմանագիրը, ստացել էր հայկական անձնագիր և միջազգային մրցումներում ներկայացնում է Հայաստանը։
Ռուսական կողմը պահանջել է վնասների փոխհատուցում, և NCSA-ն մի քանի ամիս տևած քննարկումներից հետո բավարարել է դիմումը։
Թենիսի կանանց ասոցիացիայի (WTA) դասակարգման աղյուսակում Էլինա Ավանեսյանը զբաղեցնում է 118‑րդ տեղը։
