10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
Գագիկ Ծառուկյանի ընկերությունը 30 մլն դրամ պարտք է քաղաքապետարանին. ինչո՞ւ․ հարց` Ավինյանին․ ՏԵՍԱՆՅՈՒԹ
Տնտեսություն
29.12.2025 | 13:09
2025 թվականի ընթացքում Երևանի քաղաքապետարանը տարբեր տարածքների վարձակալության համար հավաքագրել է մոտավորապես 1.1 միլիարդ դրամ, որից մոտավորապես 500 միլիոն դրամը՝ այգիներից։ Այս մասին ասաց քաղաքապետ Տիգրան Ավինյանը տարեվերջյան իր ամփոփիչ ասուլիսում։
«Երևանի քաղաքապետարանը որդեգրել է մի մոտեցում, որ այգիները չեն կարող պահել, կներեք արտահայտությանս համար, «վետերոկի» մակարդակով վարձակալները։ Եվ բոլոր այն մասնավոր գործընկերները, ովքեր պատրաստ են դուրս գալ այդ «վետերոկի» տրամաբանությունից և իրականացնել ներդրումներ համապատասխան այգիներում, ավագանու որոշմամբ սահմանված կարգով մենք վերանայում ենք գինը»,- ասաց Ավինյանը՝ անդրադառնալով հարցին, որ Գագիկ Ծառուկյանին պատկանող ընկերությունը 30 միլիոն դրամ պարտք է քաղաքապետարանին։
Քաղաքապետն ասաց, որ բոլոր այն դեպքերում, երբ վարձակալողի հետ խնդիրներ են առաջանում և նրանք չեն կատարում իրենց պարտավորությունները, դատական կարգով վիճարկում են։
«Բոլոր այն դեպքերում, որտեղ մեր գործընկերները հրաժարվում են կամ մտածում են՝ մի քիչ էլ ժամանակ ձգենք, տեսնենք ինչ է լինելու… մի բան է լինելու՝ իրենք գնալու են սնանկացման։ Այսինքն՝ մենք գործն ուղարկելու ենք սնանկացման դատարան, և այդ ընկերությունները շատ ավելի մեծ խնդիրների են բախվելու, եթե կա՛մ չփակեն մեր պարտքերը, կա՛մ չառաջարկեն ներդրումային ծրագիր իրենց կողմից վարձակալվող տարածքում»,- նշեց Տիգրան Ավինյանը։
Մանրամասները՝ տեսանյութում։
