08.06.2026 | 18:20
Հայ ժողովուրդն ընտրել է Եվրոպային ավելի մոտ ապագա. Իսպանիայի վարչապետը շնորհավորել է Փաշինյանին
Վերջին մի քանի տարիներին հանրապետությունում ջերմաստիճանի բարձրացում է նկատվում․ Ազիզյան․ ՏԵՍԱՆՅՈՒԹ
Տեսանյութեր
29.12.2025 | 12:12
1994 թվականից ի վեր Հայաստանում գրեթե ամեն տարի, բացառությամբ 2011 թվականի, գրանցվում են տարեկան միջին ջերմաստիճանի դրական շեղումներ․ այս մասին հայտնեց «Հիդրոօդերևութաբանության և մոնիթորինգի կենտրոն» ՊՈԱԿ-ի տնօրեն Լևոն Ազիզյանը հրավիրված մամուլի ասուլիսի ժամանակ։
«1935 թվականից մինչև 2024 թվականն ընկած ժամանակահատվածում հանրապետությունում նկատվել է ջերմաստիճանի բարձրացում 1.6 աստիճանով։ Այս տարի նույնպես բացառություն չի եղել. օգոստոսի 2-ին և 5-ին Երևանում գրանցվել է 41.9 և 41.5 աստիճան տաքություն՝ գերազանցելով նախկինում գրանցված բացարձակ առավելագույն ջերմաստիճանները»,- նշեց նա։
Ազիզյանի խոսքով՝ վերջին օրերին արձանագրված տեղումները զգալիորեն նպաստել են մայրաքաղաքում օդի որակի լավացմանը։ Դեկտեմբերի 28-ի դրությամբ միայն Կենտրոն վարչական շրջանում է փոշու սահմանային թույլատրելի կոնցենտրացիան գերազանցվլ 1.4 անգամ։
«Կառավարության որոշմամբ ձեռք են բերվել երկու գերժամանակակից սարքավորումներ, որոնք հունվարի երրորդ տասնօրյակից կշահագործվեն Կենտրոն և Քանաքեռ-Զեյթուն վարչական շրջաններում՝ հանրությանը օպերատիվ տեղեկատվություն տրամադրելու համար»,- հայտնեց Ազիզյանը։
Մանրամասները՝ տեսանյութում։
