30.10.2026 | 10:02
Հաքերները կոտրել են աշխարհի խոշորագույն՝ Binance կրիպտոարժութային բորսան․ վնասը կարող է կազմել 6,3 մլրդ դոլար
Կրասնոդարի երկրամասում ԱԹՍ-ների հարձակման հետևանքով մասնավոր տներ ու գազատար են վնասվել
Քաղաքականություն
29.12.2025 | 13:25
ՌԴ Կրասնոդարի երկրամասի Կուշչևսկայա գյուղում անօդաչու թռչող սարքերի բեկորներից վնասվել են երկու մասնավոր տներ և մեկ գազատար, հայտնել է տարածաշրջանային օպերատիվ շտապը, գրում է Current time-ը։
Տներից մեկում հրդեհ է բռնկվել։ Ինդուստրիալնի գյուղում անօդաչու թռչող սարքերի բեկորները վնասել են երեք մասնավոր տներ։ Իշխանությունների տվյալներով՝ տուժածներ չկան։
Astra-ն, հղում անելով տեղի բնակիչներին, հաղորդել է Ադիգեայի Մայկոպ քաղաքում պայթյունների մասին:
Պնդվում է, որ անօդաչու թռչող սարքերը հարձակվել են Ռուսաստանի պաշտպանության նախարարությանը պատկանող Խանսկայա ռազմական օդանավակայանի վրա: Astra-ն տեղայնացրել է ականատեսների տեսանյութերը և եզրակացրել, որ կադրերում երևում է ՀՕՊ աշխատանքը. օդանավակայանին հարվածի տեղեկության հաստատում չկա:
Ռուսաստանի պաշտպանության նախարարությունը հայտնել է դեկտեմբերի լույս 29-ի գիշերը խոցված ուկրաինական 110 անօդաչու թռչող սարքի մասին, այդ թվում՝ 11-ը՝ Ադիգեայի վրա:
Թարգմանությունը՝ Էմմա Չոբանյանի
