30.10.2026 | 01:09
Երկրաշարժ Ջերմուկ քաղաքից 15 կմ հյուսիս-արևելք
«Կրասնոդարը» շնորհավորել է Էդուարդ Սպերցյանին
27.12.2025 | 12:40
Ռուսական «Կրասնոդարը» շնորհավորել է Հայաստանի ազգային հավաքականի ավագ Էդուարդ Սպերցյանին 2025թ․ Հայաստանի լավագույն ֆուտբոլիստ ճանաչվելու առթիվ։
«Արդյունավետ ու վառ տարի էր Էդոյի համար։ Հայաստանի ֆուտբոլի ֆեդերացիան Էդուարդ Սպերցյանին ճանաչել է տարվա լավագույն ֆուտբոլիստ։ Շնորհավորում ենք մեր ավագին վաստակած կոչման համար»,- նշված է «Կրասնոդարի» հաղորդագրությունում։
Հիշեցնենք, որ տարվա լավագույն ֆուտբոլիստի քվեարկության արդյունքում 25-ամյա կիսապաշտպանն առաջ էր անցել Հայաստանի հավաքականի պատմության լավագույն ռմբարկու, իտալական «Ինտերի» կիսապաշտպան Հենրիխ Մխիթարյանից։
2025 թվականին Էդուարդ Սպերցյանը Հայաստանի հավաքականում խփել է 5 գոլ, իսկ «Կրասնոդարի» կազմում անցյալ մրցաշրջանում պատմության մեջ առաջին անգամ դարձել է Ռուսաստանի չեմպիոն։ Ռուսաստանի ընթացիկ առաջնությունում Սպերցյանը մասնակցել է 18 հանդիպման, դարձել 8 գոլի ու 12 գոլային փոխանցման հեղինակ։ Նա լավագույնն է «Գոլ+ասիստ» հաշվարկով։
