29.06.2026 | 21:27
Պուտինի սուրպերզբոսանավը 2022թ․ ի վեր առաջին անգամ հայտնվել է ռադարների էկրանին․ այն նկատել են Դանիայի ափերի մոտ
Քննարկվել են ջրային պաշարների և համակարգերի արդյունավետ կառավարման ծրագրերը
Քաղաքականություն
26.12.2025 | 21:20
ՀՀ վարչապետ Նիկոլ Փաշինյանի գլխավորությամբ կայացած խորհրդակցության ընթացքում քննարկվել են ջրային պաշարների և համակարգերի արդյունավետ կառավարմանն ուղղված խնդիրներն ու լուծումները՝ ներառյալ ոլորտում առկա մարտահրավերները, ենթակառուցվածքների արդիականացման ծրագրերը և 2026 թվականի ոռոգման ջրի առաջարկի ու պահանջարկի կառավարման միջոցառումները։ Այս մասին տեղեկացնում են Կառավարության մամուլի ծառայությունից։
«Տարածքային կառավարման և ենթակառուցվածքների նախարարության Ջրային կոմիտեի նախագահ Արամազդ Ղալամքարյանը զեկուցել է ոլորտում առկա մարտահրավերների և դրանց լուծմանն ուղղված կարճաժամկետ և երկարաժամկետ լուծումների վերաբերյալ:
Մանրամասներ են ներկայացվել ջրային ոլորտի կառավարման, պլանավորման, կանխատեսումների, ենթակառուցվածքների արդիականացման հետ կապված հարցերի վերաբերյալ: Արամազդ Ղալամքարյանը նաև զեկուցել է 2026թ․ ոռոգման ջրի առաջարկի և պահանջարկի կառավարման միջոցառումների վերաբերյալ, որոնք կներառեն միջգերատեսչական ինտեգրված համակարգումը և ներդաշնակեցումը, ջրային հոսքերի և բացթողումների միասնական կառավարումը, ոռոգման ջրի պահանջարկ–առաջարկի մեթոդաբանության վերանայումը, ոռոգման ռեժիմների և նորմատիվների վերանայումը, պոմպակայանների հզորացումը և այլն: Զեկուցվել է նաև ջրամբարների լցվածության ցուցանիշների, Սևանա լճից և այլ հիմնական աղբյուրներից ջրառի, ոռոգման համակարգի ցուցանիշների վերաբերյալ:
Անդրադարձ է կատարվել Արարատյան արտեզյան ավազանում իրականացված ուսումնասիրությունների արդյունքների ու առկա խնդիրների լուծման ուղղությամբ իրականացված քայլերին, ջրային ռեսուրսների մոնիթորինգի ներկայիս ենթակառուցվածքի վիճակին, վերջինիս վերազինման ու արդիականացման ծրագրերին։
Ընդգծվել է ջրային համակարգի կառավարման ձևաչափի վերանայման և այլ արդյունավետ մեխանիզմների ներդրման կարևորությունը:
Վարչապետ Փաշինյանն անհրաժեշտ է համարել ոլորտում ինստիտուցիոնալ բարեփոխումների իրականացումը, որոնք միտված կլինեն ջրային պաշարների և համակարգերի կայուն, արդյունավետ և ինտեգրված կառավարմանը»,- ասված է հաղորդագրությունում:
