28.04.2026 | 13:17
Ինդոնեզիայում գնացքի վթարի հետևանքով զոհվել է 14 մարդ, ավելի քան 80-ը՝ վիրավորվել
Իմ այցը Հայաստան հնարավոր է, եթե դա պահանջեն Ադրբեջանի ազգային շահերը․ Բայրամով
Քաղաքականություն
26.12.2025 | 18:43
Իմ այցը Հայաստան հնարավոր է, եթե դա պահանջեն Ադրբեջանի ազգային շահերը։ Ըստ ադրբեջանական լրատվամիջոցների՝ այս մասին տարվա ամփոփիչ մամուլի ասուլիսում հայտարարել է Ադրբեջանի արտաքին գործերի նախարար Ջեյհուն Բայրամովը՝ պատասխանելով հարցին՝ արդյո՞ք կայցելի Հայաստան։
Նա նշել է, որ ինքը կարող է այցելել Հայաստան, երբ տեղի ունենա որևէ հանդիպում կամ միջոցառում, որը կպահանջի Ադրբեջանի ազգային շահերը։
Բայրամովը նաև անդրադարձել է 3+3 ձևաչափին։ Ըստ նրա՝ 3+3 ձևաչափի մի քանի տարրեր պետք է հաշվի առնվեն։ Նա հիշեցրել է, որ 2024 թվականին, երբ վերջին հանդիպումը տեղի է ունեցել Թուրքիայում, առաջարկվել է հաջորդ հանդիպումն անցկացնել Ադրբեջանում, ապա՝ Հայաստանում։
«Որոշակի պատճառներով կոնսենսուս չի եղել, և այս առաջարկը չի ներառվել վերջնական փաստաթղթում: Մեր առաջարկը մնում է ուժի մեջ»,- հայտարարել է Բայրամովը:
Նա նաև անդրադարձել է Ադրբեջանի նախագահ Իլհամ Ալիևի՝ Հայաստան հնարավոր այցին:
«Ես որևէ տեղեկություն չունեմ, որ պարոն նախագահը կմասնակցի Եվրոպական քաղաքական համայնքի համաժողովին: Եվրոպական քաղաքական համայնքի ձևաչափը համեմատաբար նոր է։ Մասնակցության հրավերներ են ուղարկվում պետությունների ղեկավարներին։ Համաժողովը նախատեսվում է անցկացնել Երևանում։ Իմ տեղեկություններով՝ պարոն նախագահի այցը նախատեսված չէ։ Այնուամենայնիվ, նախագահի աշխատակազմը կարող է ավելի ճշգրիտ տեղեկատվություն տրամադրել այս հարցի վերաբերյալ»,- ասել է Բայրամովը։
Թարգմանությունը՝ Էմմա Չոբանյանի
