07.04.2026 | 20:11
Սիմոնյանը տեղադրել է Factor TV-ի տեսանյութի մոնտաժած տարբերակ և ընտրողաբար է ներկայացրել ԱԺ դիմաց հավաքվածների խոսքերը
Երկու օրվա ընթացքում պարզ կլինի, թե ով կլինի ՀԱՊԿ գլխավոր քարտուղարը. Դավիթ Տոնոյան. ՏԵՍԱՆՅՈՒԹ
Քաղաքականություն
06.11.2018 | 15:37
Երկու օրվա ընթացքում պարզ կլինի, թե ով կլինի ՀԱՊԿ նոր գլխավոր քարտուղարը: Այսօր՝ նոյեմբերի 6-ին ՀՀ Ազգային ժողովում լրագրողների հետ զրույցում այս մասին հայտնեց պաշտպանության նախարարի պաշտոնակատար Դավիթ Տոնոյանը:
«Այս փուլում՝ մինչև 2020 թվականը, մեր հերթն է: Երկու օրվա ընթացքում որոշում կկայացվի: Կա նորմատիվ իրավակարգավորում ՀԱՊԿ-ում: Պետք է որոշում կայացվի երկրների ղեկավարների կողմից»,- հավելեց նա:
Նշենք, որ Հայաստանի նախաձեռնությամբ Յուրի Խաչատուրովը վաղաժամ հետ է կանչվել ՀԱՊԿ գլխավոր քարտուղարի պաշտոնից: Խաչատուրովը Հայաստանում Մարտի 1-ի գործով որպես մեղադրյալ է ներգրավված. նա ազատ է արձակվել գրավի դիմաց:
Անդրադառնալով սահմանային լարվածության մասին հարցին՝ Դավիթ Տոնոյանը վստահեցրեց, որ Դուշանբեի պայմանավորվածությունից հետո այն նվազել է, երկու երկրների միջև օպերատիվ հեռախոսակապ է գործում: «Մեզ կամ ադրբեջանական կողմին մտահոգող դեպքերի՝ շարժի, գործողությունների, ինժեներական աշխատանքների իրականացման դեպքում մենք ահազանգում ենք անմիջապես, որպեսզի դադարեցնեն: Կա պատասխանատու անձ, որը համապատասխան զեկույց է ներկայացնում իր վերադասներին»,- հավելեց պաշտպանության նախարարի պաշտոնակատարը:
Մանրամասները՝ տեսանյութում;
