30.10.2026 | 21:50
Վերագործարկվել է Գյումրին սնող 1000 մմ-ոց ջրատարը
Շառա Բուլետ. Մարդիկ ասում են, որ Արման Ծառուկյանի հետ մենամարտը մեծ ռիսկ է
26.12.2025 | 17:22
UFC-ի մարտիկ Շառա Բուլետը (Շարաբուտդին Մագոմեդով) պատմել է, թե ինչու է համաձայնել մենամարտել UFC-ի թեթև քաշային կարգի դասակարգման առաջատար Արման Ծառուկյանի հետ։ Դեկտեմբերի 30-ին Երևանի Կարեն Դեմիրճյանի անվան Մարզահամերգային համալիրում կայանալիք Hype Fighting լիգայի մրցաշարում մարտիկները մրցելու են գրեփլինգի կանոններով։
«Այո, մարդիկ կարծում են, որ դա մեծ ռիսկ է, ասում են՝ կարող ես պարտվել։ Շատերը չեն հասկանում, թե ինչու են իմ երկրպագուները սիրում ինձ։ Որովհետև ես ռիսկի եմ դիմում և նրանց տալիս եմ այն հույզերը, որն անհրաժեշտ է էկրանների առջև չձանձրանալու համար։ Ես պետք է գրգռեմ նրանց միտքը»,- ռուսաստանցի մարտիկի խոսքը մեջբերում է Hype Fighting-ի մամուլի ծառայությունը։
UFC-ում Շառա Բուլետը հանդես է գալիս միջին քաշային կարգում և 14-րդն է դասակարգման աղյուսակում։ 31-ամյա Բուլետը խառը մենամարտերում ունի 16 հաղթանակ ու 1 պարտություն։
29-ամյա Արման Ծառուկյանը խառը մենամարտերում մասնակցել է 26 հանդիպման, տարել 23 հաղթանակ ու կրել 3 պարտություն։ Հայ մարտիկը հաճախ է անցկացնում գրեփլինգի մենամարտեր, նախորդը տեղի է ունեցել դեկտեմբերի 17-ին Մոսկվայում։ Գրեփլինգի կանոններով մարտիկներին չի թույլատրվում հարվածել իրար։
