09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
«Ռեալը» ծրագրում է այս մրցաշրջանում 400 միլիոն եվրո եկամուտ ունենալ «Սանտիագո Բերնաբեուից»
26.12.2025 | 16:49
Մադրիդի «Ռեալում» այս մրցաշրջանում «Սանտիագո Բերնաբեու» ստադիոնի շահագործումից ակնկալում են ստանալ ավելի քան 400 միլիոն եվրո, տեղեկացնում է AS-ը։
Ակումբում կանխատեսում են, որ ընդհանուր եկամուտները կհասնեն 1,248 միլիարդ եվրոյի, որոնցից 402,5 միլիոն եվրոն կկազմի վերանորոգված ստադիոնի օգտագործումից ստացվող եկամուտները։
Անցած մրցաշրջանում միայն համալիրի ներսում գործող բիզնեսից (առանց խաղերի տոմսերի վաճառքի հաշվառման) «Ռեալը» վաստակել է 79,1 միլիոն եվրո, որից 52,6 միլիոն եվրոն՝ «Բերնաբեուի» տուրերից, 15,4 միլիոն եվրո՝ տարբեր միջոցառումներից և համերգներից, իսկ 10,3 միլիոն եվրո` ռեստորաններից։
Այս մրցաշրջանում տուրերից ստացվող եկամուտները պետք է աճեն 31 տոկոսով։ Բացի այդ, մինչև այժմ չի բացվել SkyBar հաստատությունը՝ ստադիոնի գլխավոր «մարգարիտը»։
Մոտ ապագայում սպասվում է նաև համերգային գործունեության լիարժեք վերականգնումը։
Իսպանիայի ընթացիկ առաջնության 18-րդ տուրից հետո «Արքայական ակումբը» երկրորդ տեղում է և 4 միավոր է զիջում առաջատար կատալոնական «Բարսելոնային»։
